Book Name:Aaqa Ki Shan Khatm e Nabuwwat
بندہ کلمہ طیبہ تَو پڑھے مگر حضرت مُحَمَّد صَلَّی اللہ عَلَیْہِ وَ آلِہٖ وَ سَلَّم کو آخری نبی نہ مانے ، وہ ہرگز ، ہرگز مسلمان نہیں ہو سکتا۔
بعد آپ کے ہر گز نہ آئے گا نبی نیا واللہ ! اِیماں ہے مرا ، اے آخری نبی
عقیدہ سب صحابہ کا ! سب سے آخری نبی ! عقیدہ اَہْلِ بیت کا ! سب سے آخری نبی !
نظریہ غوثِ کا ! سب سے آخری نبی ! اَوْلیا کا نظریہ ! سب سے آخری نبی !
ہے رضا کا نظریہ ! سب سے آخری نبی ! نظریہ عطّار کا ! سب سے آخری نبی !
ختمِ نبوت کے منکروں کا عبرتناک انجام
پیارے اسلامی بھائیو ! تاریخ ( History ) گواہ ہے ، جس نے بھی پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی خَتْمِ نبوت کا اِنْکار کیا اور اس پر ڈاکہ ڈالنے کی کوشش کی ، اس کا انجام نہایت عِبْرتناک ہوا ، آخرت میں اس کے لئے جو ذِلَّت ہے ، وہ تو ہے ، اللہ پاک ایسوں کو دُنیا میں بھی ذلیل و رُسْوا کر دیتا ہے۔
ڈیرہ غازی خان کے ایک قصبے اِلٰہ آباد میں ایک گستاخ اور مُنہ پھَٹ شخص رہتا تھا جو نہ صِرْف خَتْمِ نبوت کا انکاری تھا بلکہ جہاں موقع ملتا ، اپنے غلط عقیدے کی تبلیغ کرنا شروع کر دیتا ، عقیدۂ خَتْمِ نبوت سے متعلق بہت بکواس کیا کرتا تھا۔ انسان کچھ بھی کرے ، آخر موت تو آنی ہی آنی ہے ، خُدا کو مُنہ تو دِکھانا ہی ہے ، اس بدبخت کی بھی موت آئی ، ایک دِن یہ اسی طرح عقیدۂ خَتْمِ نبوت سے متعلق بَک بَک کرتا مر گیا۔ جو لوگ اس کے ہم خیال تھے ، اسی کے جیسا عقیدہ رکھتے تھے ، انہوں نے اس گستاخ کو مسلمانوں کے قبرستان میں