جُماتونه جوړول د انبيائے کرامو عَلَیْهِمُ السَّلَام سُنَّت دي

Al Quran Books Madani Channel

Magazine Courses Media

الله پاک دې مونږ ته جُماتونو سره محبت رانصيب کړي. آمِیْن بِجَاہِ خَاتَمِ النَّبِیّٖن صَلَّى اللهُ عَلَيْهِ وَاٰلِهٖ وَسَلَّم

د الله والؤ مبارک عادتونه

خوږو او محترمو اسلامي وروڼو! زمونږه د بزرګانِ دينو، صحابۀ کرامو، تابِعِينو او نورو نيکو خلقو سيرت چې اولولئ نو معلومه شي چې دې الله والؤ به د جُماتونو سره څنګه تعلق او محبت لرلو! راځئ چې د هغوئي د دې ښکلو عادتونو په باره کښې واورو:

(1) وړومبے عادت: زيات وخت په جمات کښې تيرول

* حضرت عطاء بن ابو رَباح رَحْمَةُ اللهِ عَلَيْه د څلويښتو کالو پورې جُمات خپل کور ګرځولے وو (يعنې په جمات کښې به اوسيدلو، بے ضرورته به هډو هُم د جُمات نه وتلو) * حضرت مالک بن دينار رَحْمَةُ اللهِ عَلَيْه (جُمات سره دومره محبت لرلو، چې دوئي) به فرمائيل: که طبعي حاجتونه نه وے نو زه به د جُمات نه کله هُم نه وے وتلے * حضرت ابو صادق رَحْمَةُ اللهِ عَلَيْه به فرمائيل: جُمات کښې ناسته لازمه اونيسئ ځکه چې په جُمات کښې ناسته د نبيانو طريقه ده.^{(^[1])}

کاش چې مونږ ته هُم په جُمات کښې د زيات وخت کښيناستلو توفيق رانصيب شي.

جُمات خپل کور جوړ کړئ!

د حضرتِ ابنِ عُمَير رَضِیَ اللهُ عَنْهُ نه رِوايت دے چې رسولِ اکرم صَلَّى اللهُ عَلَيْهِ وَاٰلِهٖ وَسَلَّم اِرشاد فرمائيلے دے: په دُنيا کښې ميلمانه جوړ شوي اوسئ او جُمات خپل کور جوړ کړئ (يعنې څنګه چې په کور کښې زړه لګي، په جُمات کښې هُم دغسې زړه اولګوئ)!^{(^[2])}

[1]...تَنْبِیْهُ الْمُغْتَرِّین، الباب الثالث من جملۃ اخری من الاخلاق صفحہ:137 بتقدیم و تاخیر۔

[2]...حلیۃ الاولیاء ،جلد:1 ،صفحہ:438 ،حدیث:1252۔

Important

Mobile Apps

Contact Us