جُماتونه جوړول د انبيائے کرامو عَلَیْهِمُ السَّلَام سُنَّت دي

Al Quran Books Madani Channel

Magazine Courses Media

احمد یار خان نعيمي رَحْمَةُ اللهِ عَلَيْه فرمائي: جُماتونه د ګندګئ او کچرے نه صفا ساتل ډير ضروري دي. ځکه چې د جُمات تعظیم د کعبهٔ معظمه په شان دے ځکه د کعبے په شان د جُمات چھت ته بےضَرورته ختل منع دي او د کعبے د صفائی خو په دې آیت کښې حکم ورکړے شوے دے لهٰذا د ټولو جُماتونو دپاره به هُم دا حُکم ثابتيږي۔^{(^[1])}

د جُمات د صفائي عجيبه جذبه

حضرت علي خوّاص رَحْمَةُ اللهِ عَلَيْه د الله پاک ولي وو، د هغوئي دا عادت مبارک وو چې د ښار نه بهر هٰغه جُماتونه چرته چې هيڅ څوک لـمونځ کوونکے نه وي، مسافران کله کله تيريږي او هلته لـمونځ اوکړي، حضرت علي خوّاص رَحْمَةُ اللهِ عَلَيْه به د هٰغه جُماتونو صفائي سُترائي هُم کوله. هغه به ئې جارو کول، د جُمات فرش به ئې پاکولو، د هغې د چت صفائي به ئې کوله، د جُمات اودس خانه، تر دې چې استنجا خانه به ئې هُم صفا کوله. هغوئي رَحْمَةُ اللهِ عَلَيْه د دې کار دپاره ورځې مقررې کړې وې، د زيارت او جُمعے په ورځ به سحر وختي د کوره اُووتلو او (تر ماښامه پورې به د جُماتونو په صفائي کښې مصروفه اوسيدلو) بيا به د ماښام د لـمانځه نه پس واپس راتللو.^{(^[2])}

سُبْحٰنَ الله! څه ښکلے انداز وو، الله پاک دې مونږ ته هُم د جُماتونو صفا سُتهره ساتلو توفيق رانصيب کړي.

د الله پاک خوږ حبيب صَلَّى اللهُ عَلَيْهِ وَاٰلِهٖ وَسَلَّم اِرشاد فرمائي: څوک چې د جُمات نه تکليف ورکوونکے څيز اوباسي الله پاک به د هغه دپاره په جَنَّت کښې يو کور جوړوي.^{(^[3])}

[1]...تفسیر نعیمی ،پارہ:1 ،البقرہ،زیرِ آیت:125 ،جلد:1 ،صفحہ:714۔

[2]...لَوَاقِحُ الْاَنْوَار،العہد الحادی و العشرون فی المحافظۃ علی طہارۃ المساجد،جلد:1 ،صفحہ:142۔

[3]...ابنِ ماجہ ،کتاب المساجد و الجماعات ،باب تطہیر المساجد...الخ،صفحہ:130،حدیث:757۔

Important

Mobile Apps

Contact Us