سُبْحٰنَ الله! څنګه ښکلې خبره ده، خو زمونږ حال دا دے چې اذان اوشي، جُمات ته لاړ شو، لـمونځ اوکړو او زر بيرته لاړ شو، او دا هُم ډير کم خلق کوي ګنې اکثريت خو د لـمانځه هُم پروا نه کوي، الله پاک دې هغوئي ته هُم توفيق ورکړي او د ټولو په حال دې رحم اُوفرمائي. خو حال دا دے چې کوم خلق جُمات ته لـمانځه له راځي د هغوئي په جُمات کښې زيات وخت تيرولو ته زړه نه لګي، يعنې معامله بالکل اُلټه ده، ځکه چې زمونږ خوږ آقا کريم صَلَّى اللهُ  عَلَيْهِ وَاٰلِهٖ وَسَلَّم فرمائي: جُمات خپل کور جوړ کړئ!!! او زمونږه حال داسې نه دے.

 * حضرت سعيد بن مُسَيّب رَحْمَةُ اللهِ  عَلَيْه فرمائي: بنده چې تر څو پورې په جمات کښې اوسي، فرښتے د هغه  دپاره د بخښنې دعاګانې کوي. ^([1])  

سُبْحٰنَ الله! الله پاک دې مونږ ته جُمات سره پخه وابستګي راعطا کړي.

(2) دويم ښکلے عادت: جُمات ته وړومبے راتلل او روسته تلل

          د الله والؤ دويم ښه عادت دا دے چې جُمات ته به د ټولو نه مخکښې راتلل او د ټولو نه روسته به تلل. اللهُ اکبر! خو زمونږه عادت د دې بالکل مخالف دے، نور لـمونځونه خو څه چې د جُمعے په ورځ چې يوه نيکي د 70 نيکو برابره وي په دغه مبارکه ورځ هُم مونږه جُمات ته په مشکله د خُطبے په وخت را اورسو او بيا چې څنګه فرض اوکړو نو د دعا انتظار هُم نه کوو، څپلئ په ښپو کړو او تښتو!!!

          الله پاک دې مونږ ته هدايت نصيب کړي. آمِیْن بِجَاہِ خَاتَمِ النَّبِیّٖن صَلَّى اللهُ  عَلَيْهِ وَاٰلِهٖ وَسَلَّم 

ځوئ ته جُمات سره د کلک نښتلو تلقين

          حضرت ابو درداء رَضِیَ اللهُ عَنْهُ  خپل ځوئ ته نصيحت کښې اُوفرمائيل: ځويه! جُمات ستا کور کيدل پکار دي، بےشکه ما د الله پاک د آخري نبي صَلَّى اللهُ  عَلَيْهِ وَاٰلِهٖ وَسَلَّم نه دا فرمان