سره مه کښينئ ځکه چې د هغوئي اللہ پاک سره هيڅ کار نشته‘‘^([1]) * امام احمد رضا خان رَحْمَةُ اللهِ  عَلَيْه نقل کوي: څوک چې په جُمات کښې د دُنيا خبره اوکړي، اللہ پاک دې د هغه د څلويښتو کالو (نيک) اعمال برباد کړي. ^([2])

(2) په جُمات کښې خاندل

           * هُم دغسې په جُمات کښې خاندل هُم د جُمات د احترام خلاف دي خو خلق په جُماتونو کښې په زوره زوره خاندي. په حديث شريف کښې دي: سرکارِ عالي وقار مکّي مَدَني تاجدار صَلَّى اللهُ  عَلَيْهِ وَاٰلِهٖ وَسَلَّم اِرشاد فرمائي: جُمات کښې خاندل په قبر کښې تياره ده (يعنې په قبر کښې تياره راولي) ^([3]) .

د مُسکي کيدلو، خاندلو او قهقهه لګولو تعريفات

          اللهُ اکبر! چې په جُمات کښې د خاندلو دا حال دے نو هلته به قَهقَهه لګول څومره لويه ګناه وي؟ خو په جُمات کښې ضرورتاً مُسکي کيدل منع نه دي، مُسکي کيدل دې ته وائي چې [غاښونه خو اوځليږي مګر] آواز نه پخپله واوري او نه ئې خوا ته کس واوري. ^([4]) او د خاندلو تعريف دا دے چې خپل آواز پخپله واوري خو خوا ته کس ئې وانوري. ^([5])  او قهقهه په دومره آواز کښې خاندلو ته وائي چې که بل کس [ئې خوا ته] وے نو هغه به هُم اوريدلے وے. ^([6]) سرکارِ مدينه صَلَّى اللهُ  عَلَيْهِ وَاٰلِهٖ وَسَلَّم کله هُم قَهقَهه نه ده لګولې. ^([7])