بيا خوږ نبي صَلَّى اللهُ  عَلَيْهِ وَاٰلِهٖ وَسَلَّم مدينے مُنَوّرے ته تشريف راوړلو، دلته چې خوږ آقا صَلَّى اللهُ  عَلَيْهِ وَاٰلِهٖ وَسَلَّم په شروع کښې کوم کارونه سر انجام کړل په هغې کښې يو اهم ترين کار دا وو چې هغوئي صَلَّى اللهُ  عَلَيْهِ وَاٰلِهٖ وَسَلَّم يوه زمکه واخستله او په خپلو مبارکو لاسونو ئې هلته د جُمات بنياد کيښودلو، دا هٰغه جُمات دے چې د دې امام بل څوک نه بلکه پخپله د الله پاک محبوب، امامُ الانبياء صَلَّى اللهُ  عَلَيْهِ وَاٰلِهٖ وَسَلَّم وو، او دا مسجدِ نبوی شریف  دے چې د دُنيا د دويم افضل جُمات کيدلو اعزاز لري.

مسجد نبوی کے محراب اور منبر پر درود                                            سبز گنبد اور ہر مینار پر لاکھوں سلام

خوږو او محترمو اسلامي وروڼو! دا زمونږه د خوږ نبي، مکّي مَدَني مصطفٰے صَلَّى اللهُ  عَلَيْهِ وَاٰلِهٖ وَسَلَّم د هجرت څومره ښکلے انداز وو چې هغوئي صَلَّى اللهُ  عَلَيْهِ وَاٰلِهٖ وَسَلَّم به د هجرت په لاره کښې  چرته هُم پړاؤ فرمائيلو هلته به ئې د يو جُمات بنياد هُم ايښودلو * چې قُبا ته ئې تشريف راوړو نو د مسجدِ قُبا بنياد ئې کيښودو * چې قبيلهٔ بنو سالِم ته ئې تشريف راوړلو نو هلته ئې وړومبئ جُمعه ادا کړه او هلته مسجِدِ جُمعه قائم شو * بيا ئې چې مدينے مُنَوّرے ته تشريف راوړلو نو دلته ئې هُم د جُمات بنياد کيښودو. د دې نه معلومه شوه چې زمونږه د خوږ نبي مکّي مَدَني محمدِ عربي صَلَّى اللهُ  عَلَيْهِ وَاٰلِهٖ وَسَلَّم په نظر مبارک کښې د جُمات څومره اهميت دے.

جُمات د معاشرے مرکز دے

          خوږو او محترمو اسلامي وروڼو! جُمات زمونږه بنيادي مرکز دے. د مسلمانانو هٰغه ښار، محله يا کلے نيمګړے دے چرته چې جُمات نه وي. دا د انبيائے کرامو عَلَیْهِمُ السَّلَام يو ښکلے وصف دے چې دې د اوچتې مرتبے حضراتو به چې چرته هُم تشريف وړلو هلته به ئې د ټولو نه وړومبے د جُمات بنياد ايښودلو، تر دې چې انبيائے کرامو عَلَیْهِمُ السَّلَام به د خپل کور جوړولو فکر نه کولو بلکه هغوئي عَلَیْهِمُ السَّلَام به د جُمات جوړولو فکر لرلو.