ہے ، اس میں ایک کنواں ہے جس کا نام ہَب ہَب ہے ، جب جَہَنَّم کی آگ بجھنے پر آتی ہے اللہ پاک  اس کنوئیں کو کھول دیتا ہے جس سے و ہ بدستور ( یعنی پہلے کی طرح )  بھڑکنے لگتی ہے۔ ^{( [1] )}  

اللہ ! اللہ ! کیسا دردناک عذاب ہے ، جس کے یہ لوگ حقدار ہوئے۔ اللہ پاک ہمیں عذابِ جہنّم سے محفوظ فرمائے۔ کاش ! بلاحساب جنّت میں داخلہ نصیب ہو جائے۔  اٰمِیْن بِجَاہِ خَاتَمِ النَّبِیّٖنَ  صَلَّی اللہ عَلَیْہِ وَ آلِہٖ وَسَلَّم ۔

مجھے سچّی توبہ کی توفیق دیدے                                                                         پئے تاجدارِ حرم یاالہٰی !

مجھے نارِ دوزخ سے ڈر لگ رہا ہے                                               ہو مجھ ناتوُاں پر کرم یاالہٰی !

سدا کیلئے ہو جا راضی خدایا                                                                                              ہمیشہ ہو لُطف  و کرم یاالہٰی ! ^{( [2] )}

معاشرے کے بگاڑ کی 2 بنیادی وُجُوہات

پیارے اسلامی بھائیو ! معلوم ہوا؛ کسی بھی فرد اور فرد سے معاشرے تک ؛سارے بگاڑ کی جڑ 2 چیزیں ہیں :  ( 1 ) : نَمازیں ضائع کرنا اور  ( 1 ) : نفسانی خواہشات کے پیچھے چلنا۔

آج ہم اپنے مُعَاشرے پر غور کر لیں؛ ہم کہاں کھڑے ہیں ؟ پُورے مُعاشرے میں ایک عجیب بےچینی اور بےسکونی ہے ، غریب بھی بےچین ہے اور ہزاروں کمانے والا بھی بےسکونی کا شکار ہے ، مہنگائی ، بےروزگاری ، پریشانیاں ، مشکلات ، پھر اس کے ساتھ ساتھ چوری ، ڈکیتی ، بدکاری ، ٹارگٹ کلنگ ( Target killing )  اور نہ جانے کیسے کیسے جرائِم معاشرے میں عام ہو چکے ہیں اور مزید ہوتے جا رہے ہیں ، سب کسی نہ کسی انداز سے غیر محفوظ بھی ہیں اور بےچینی کا شکار بھی ہیں۔ اس کا سبب کیا ہے ؟ 2 بنیادی سبب ہیں :