ہوتے ہیں ، جو اپنے  نبی علیہ السَّلام  کی سنتوں پر عمل کرتے ہیں ، ان کے اَحْکام پر پختہ یقین بھی رکھتے ہیں  ( عَمَل پیرا بھی ہوتے ہیں ، پھر جب یہ حوارِی ایک ایک کر کے دُنیا سے چلے جاتے ہیں تو )  اِن کے بعد وہ لوگ آتے ہیں جو اپنے سے پہلے والوں کے اُلٹ رستے پر چلتے ہیں ، یہ وہ کہتے ہیں جو کرتے نہیں ہیں اور وہ کام کرتے ہیں ، جن کا انہیں حکم نہیں دیا گیا۔ ^{( [1] )}  

گویا یہ ہر اُمَّت کا معاملہ ہے ، جب تک نبی علیہ السَّلام  دُنیا میں تشریف فرما رہتے ہیں اور ان کے بعد ان کے صحابی ، ان پر ایمان لانے والے پاکیزہ لوگ موجود رہتے ہیں ، معاشرہ پاک رہتا ہے ، وہ لوگ اپنے نبی علیہ السَّلام  کی سنتوں پر عمل پیرا رہتے ہیں ، اللہ پاک اور اس کے نبی علیہ السَّلام  کے اَحْکام پر عَمل کرتے رہتے ہیں ، مگر جب یہ لوگ دُنیا سے چلے جاتے ہیں ، ان کے بعد ان کے الٹ رستے پر چلنے والے جب آتے ہیں تو معاشرہ بگڑ جاتا ہے ، ترقی تنزلی میں بدلنا شروع ہو جاتی ہے ، معاشرے کا عروج پستی میں بدل جاتا ہے اور یہ نیک لوگوں کے بعد آنے والے کرتے کیا ہیں ؟

اَضَاعُوا الصَّلٰوةَ وَ اتَّبَعُوا الشَّهَوٰتِ

یہ ( 1 ) : نمازوں کو ضائع کرتے ہیں اور  ( 2 ) : اپنے نفس کی خواہشات کے پیچھے چلتے ہیں۔ ایسے بُرے اور بدبخت لوگوں کا انجام کیا ہے ؟ اللہ پاک نے فرمایا :

فَسَوْفَ یَلْقَوْنَ غَیًّاۙ(۵۹)    ( پارہ : 16 ، سورۂ مریم : 59 )

ترجمہ کَنْزُ الایمان : تو عنقریب وہ دوزخ میں غیّ کا جنگل پائیں گے۔

روایات میں ہے : غَیّ جَہَنَّم میں ایک وادی ہے۔  جس کی گرمی اور گہرائی سب سے زیادہ