کے پیچھے چلنے والے اور نَمازیں چھوڑنے والے ہیں۔ ^{( [1] )}

نَماز چھوڑنے کے نقصانات

پیارے اسلامی بھائیو ! نَمازَیں ضائع کر دینا یعنی نَماز قضا کرنا ، وقت پر نہ پڑھنا بہت نقصان دہ ہے : * پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم نے فرمایا : جس کی نَماز نہیں ، اس کا اسلام میں کوئی حِصَّہ نہیں۔ ^{( [2] )}  * ایک حدیثِ پاک میں ہے : جو جان بوجھ کر ایک نَماز چھوڑ دیتا ہے ، اس کا نام جہنّم کے اس دروازے پر لکھ دیا جاتا ہے جس  سے وہ جہنّم میں داخِل ہو گا۔ ^{( [3] ) *} ایک روایت میں فرمایا : جس  کی نَماز فوت ہوئی گویا اس کے اَہْل و مال  جاتے رہے  ( یعنی بندے کے اَہْل و مال ہلاک ہو جانا جس طرح ناقابِلِ تلافی نقصان ہے ، ایسے ہی نَماز فوت ہو جانا بھی ناقابِلِ تلافی نقصان ہے ) ۔ ^{( [4] ) *} روایت ہے : اللہ پاک نے اپنے نبی حضرت داؤد علیہ السَّلام  کی طرف وحی فرمائی : اے داؤد ! بنی اسرائیل سے کہو ! جس نے ایک نَماز بھی چھوڑ دی ، روزِ قیامت میں اس پر غضب فرماؤں گا۔ ^{( [5] )}

اللہ ! اللہ ! اے عاشقانِ رسول ! اس نقصان پر غور فرمائیے ! آہ ! قیامت کا وہ ہولناک دِن ، سورج سوا میل پر آگ برسا رہا ہو گا ، تابنے کی زمین دہک رہی ہو گی ، گرمی سے کلیجہ مُنہ کو آ رہا ہو گا ، دماغ کھول رہا ہو گا ، سب اگلے پچھلے جمع ہوں گے ، ہمارے پاس وہ اعمال کہاں ہیں جو ہمیں اس وقت عذاب سے نجات دِلا سکیں گے ، اس وقت اللہ پاک کی رحمت