احسان نہ جتانے اور اُس کا بدلہ صِرْف اللہ پاک کی ذات سے مانگنے کا حکم دے رہا :

اَلَّذِیْنَ یُنْفِقُوْنَ اَمْوَالَهُمْ فِیْ سَبِیْلِ اللّٰهِ ثُمَّ لَا یُتْبِعُوْنَ مَاۤ اَنْفَقُوْا مَنًّا وَّ لَاۤ اَذًىۙ-لَّهُمْ اَجْرُهُمْ عِنْدَ رَبِّهِمْۚ 

   ( پارہ : 3 ، سورۂ بقرہ : 262 )

ترجمہ کَنْزُ الایمان : وہ جو اپنے مال اللہ کی راہ میں خرچ کرتے ہیں  پھر دیے پیچھے نہ احسان رکھیں نہ تکلیف دیں ان کا نیگ  ( اجر و ثواب ) ان کے رب کے پاس ہے۔

اللہ پاک ہمیں بھی مولا علی رَضِیَ اللہ عنہ کی شانِ سخاوت اور اندازِ سخاوت سے حِصَّہ نصیب فرمائے۔ کاش ! پیکرِ اِخلاص وصفا ، مولیٰ مشکل کُشا حضرت علیُّ المُرتَضٰی رَضِیَ اللہ عنہ کے صدْقے ہمیں بھی اِخلاص کے ساتھ صدَقہ و خیرات کرنے کا جذبہ و سعادت نصیب ہوجائے۔اٰمِیْن بِجَاہِ خَاتَمِ النَّبِیّٖنَ  صَلَّی اللہ عَلَیْہِ وَ آلِہٖ وَسَلَّم ۔

مِرا ہر عمَل بس ترے واسطے ہو                                                          کر اِخلاص ایسا عطا یا الٰہی ! ^{( [1] )}

صَلُّوا عَلَی الْحَبیب !                                                صَلَّی اللہ عَلٰی مُحَمَّد

گھرانہ  حیدر کی نِرالی سخاوت

پیارے اسلامی بھائیو ! قرآنِ کریم میں ایک اور مقام پر بھی گھرانۂ حیدر کی نِرالی سخاوت کا بیان ہے ، چنانچہ پارہ : 29 ، سورۂ دَھر ، آیت : 8 اور 9 میں ارشاد ہوتا ہے :

وَ یُطْعِمُوْنَ الطَّعَامَ عَلٰى حُبِّهٖ مِسْكِیْنًا وَّ یَتِیْمًا وَّ اَسِیْرًا ( ۸ )  اِنَّمَا نُطْعِمُكُمْ لِوَجْهِ اللّٰهِ لَا نُرِیْدُ مِنْكُمْ جَزَآءً وَّ لَا شُكُوْرًا ( ۹ )    ( پارہ : 29 ، سورۂ دھر : 8-9 )

ترجمہ کَنْزُ الایمان : اور کھانا کھلاتے ہیں اس کی محبت پر مسکین اور یتیم اور اَسِیر ( قیدی )  کو ان سے کہتے ہیں ہم تمہیں خاص اللہ کے لیے کھانا دیتے