Islamic Ebook Library اس میں مکتبۃ المدینہ کی تمام کتابیں موجود ہیں ، اس ایپلی کیشن کے ذریعے کتابیں پڑھی بھی جا سکتی ہیں اور ڈاؤنلوڈ بھی کی جا سکتی ہیں۔ یہ موبائل ایپلی کیشن انسٹال کر لیجئے ، خود بھی فائدہ اُٹھائیے ، دوسروں کو بھی ترغیب دلائیے۔

غرض : آج کل اَحادیث پڑھنے ، سمجھنے کے بہت سارے ذرائع موجود ہیں ، اگر ہم ذِہن بنائیں تو بہت سارے رستے نکل سکتے ہیں۔ بَس دِل میں شوق پیدا کرنے کی ضرورت ہے۔ حدیثِ پاک میں ہے ، ہمارے آقا ، مکی مدنی مصطفےٰ صَلَّی اللہ عَلَیْہِ وَاٰلِہٖ وَسَلَّم  نے فرمایا : اللہ پاک اُس شخص کو تر وتازہ رکھے ، جو میری حدیث سُنے ، اسے یاد کرے اور دوسروں تک پہنچائے۔ ^{( [1] )}   

حضرت زَکَرِیَّا بن عدی رحمۃ اللہ علیہ فرماتے ہیں : حضرت عبد اللہ بن مبارَک رحمۃ اللہ علیہ کی وفات کے بعد میں نے انہیں خواب میں دیکھ کر پوچھا : مَافَعَلَ اللہ بِکَ اللہ پاک نے آپ کے ساتھ کیا معاملہ فرمایا ؟  آپ نے جواب دیا : طَلَبِ حدیث کے لئے سَفَر کے سبب اللہ پاک نے میری مغفرت فرما دی۔ ^{( [2] )}  

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

فرامینِ مصطفےٰ پر یقین رکھناجانِ ایمان ہے

پیارے اسلامی بھائیو !  دوسرا مدنی پھول جو اعلیٰ حضرت رحمۃ اللہ علیہ کی سیرتِ پاک سے سیکھنے کو ملا ، وہ ہے : فرامینِ مصطفےٰ صَلَّی اللہ عَلَیْہِ وَاٰلِہٖ وَسَلَّم  پر کامِل یقین رکھنا۔

یہ تو ہمارے ایمان کا تقاضا ہے بلکہ اَصْل ایمان ہی یہی ہے۔ حکیم الاُمَّت مفتی احمد یار