رحمۃ اللہ علیہ نے 24 احادیث ذِکْر فرمائیں * ہمارے آقا و مولیٰ ، مُحَمَّد مصطفےٰ صَلَّی اللہ عَلَیْہِ وَاٰلِہٖ وَسَلَّم  روزِ قیامت شفاعت فرمائیں گے ، اس موضوع پر کلام کرتے ہوئے 40 احادیث ذِکْر کیں * داڑھی کی ضرورت و اہمیت پر 56 احادیث * والِدَین کے حُقُوق کے متعلق 91 احادیث * اسی طرح اور بےشُمار مَوْضُوعات پر اعلیٰ حضرت رحمۃ اللہ علیہ نے سینکڑوں احادیث ذِکْر فرمائیں * ان احادیث سے مسائِل اَخْذ فرمائے ، ان احادیث کے مَعَانی بیان کئے ، پھر یہ نہیں کہ اعلیٰ حضرت رحمۃ اللہ علیہ نے صِرْف حدیث بیان کر دی بلکہ آپ جب حدیثِ پاک نقل فرماتے ہیں ، اس حدیثِ پاک کا دُرُست معنیٰ بھی بیان کرتے ہیں ، اس سے مَسَائِل بھی نکالتے ہیں اور ساتھ ہی اس حدیثِ پاک کا حوالہ بھی لکھتے ہیں۔^{( [1] )}

  ( 3 ) : اعلیٰ حضرت اور احادیث پر عمل کا انداز

پیارے اسلامی بھائیو !   غور فرمائیے !  ہمارے آقا اعلیٰ حضرت ، امامِ اہلسنت رحمۃ اللہ علیہ عِلْمِ حدیث میں کیسی اعلیٰ مہارت رکھتے تھے ، احادیث پڑھنے ، یاد کرنے ، یاد رکھنے اور دوسروں تک پہنچانے کا کیسا شوق رکھتے تھے۔ اللہ پاک ہمیں بھی فیضانِ اعلیٰ حضرت نصیب فرمائے۔ آمین بِجَاہِ خَاتَمُ النَّبِیِّیْن  صَلَّی اللہ عَلَیْہِ وَاٰلِہٖ وَسَلَّم ۔

اب آئیے !  یہ سنتے ہیں کہ احادیث پر عمل کرنے کے مُعَاملے میں اعلیٰ حضرت رحمۃ اللہ علیہ کا انداز کیسا تھا ؟  

بارِش میں طوافِ کعبہ

سیدی اعلیٰ حضرت رحمۃ اللہ علیہ دوسری مرتبہ جب حج کے لئے مکہ مکرمہ حاضِر ہوئے