اللہ پاک ہمیں کامِل ایمان نصیب فرمائے ، اَحادیث پڑھنے ، سننے ، سیکھنے ، سمجھنے کا شوق عطا فرمائے اور حدیثِ پاک پر کامِل یقین رکھنے کی بھی توفیق عطا فرمائے۔ آمین بِجَاہِ خَاتَمِ النَّبِیِّیْن  صَلَّی اللہ عَلَیْہِ وَاٰلِہٖ وَسَلَّم ۔

 صَلُّوْا عَلَی الْحَبیب !                                               صَلَّی اللّٰہُ عَلٰی مُحَمَّد

نیک عمل نمبر 12 کی ترغیب

 پیارے اسلامی بھائیو !    فیضانِ اعلیٰ حضرت پانے ، عِلْمِ دین سیکھنے ، عَمَل کا جذبہ بیدار کرنے کے لئے عاشقانِ رسول کی دینی تحریک دعوتِ اسلامی کے دینی ماحول سے وابستہ ہو جائیے ، 12 دینی کاموں میں خُوب بڑھ چڑھ کر حِصَّہ لیجئے ، نیک اعمال کا رسالہ پُر کیجئے اور ہر ماہ پابندی کے ساتھ اپنے ذمہ دار کو جمع کروانے کا معمول بنالیجئے !  اِنْ شَآءَ اللہ الْکَرِیْم !  دِین و دُنیا کی ڈھیروں بھلائیاں نصیب ہوں گی۔شیخ طریقت امیر اہلسنّت کے عطا کردہ 72 نیک اعمال میں سے ایک نیک عمل نمبر 12 یہ ہے کہ کیا آج آپ نے اعلیٰ حضرت رحمۃ اللہ علیہ یا مکتبۃ المدینہ کی کسی کتاب یا رسالے یا ماہنامہ فیضانِ مدینہ کو کم از کم 12 منٹ پڑھا یا سنا ؟  یہ کتنا پیارا نیک عمل ہے جب ہم اعلی ٰ حضرت کی کتابیں پڑھیں گے تو اعلیٰ حضرت کی محبت ہمارے دلوں میں مزید بڑھ جائے گی نیز دیگر کتابیں پڑھنے سے ہمارے علمِ دین میں بھی اضافہ ہوگا۔ آپ بھی نیت کریں کہ خود بھی نیک اعمال کا رسالہ پُر کریں گے اور دوسروں کو بھی اس کی ترغیب دلائیں گے۔

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

شعبہ ہفتہ وار اجتماع