فرماتا ہے اورایک فرشتہ اس درودِ پاک کو مجھ تک پہنچانے پرمقر ر ہے۔ ( معجم کبیر ، ۸ / ۱۳۴ ، رقم : ۷۶۱۱ )

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

فرمانِ مصطفےٰ صَلّی اللہ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔  ⁽ [1] ⁾  اے عاشقانِ رسول !  ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے !  مثلاً نیت کیجئے ! * عِلْم سیکھنے کے لئے پورا بیان سُنوں گا * با اَدب بیٹھوں گا * دورانِ بیان سُستی سے بچوں گا * اپنی اِصْلاح کے لئے بیان سُنوں گا * جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

کشتی کِنَارے کیسے لگی... ؟   ( کرامتِ اعلیٰ حضرت )

صَدْرُ الشَّرِیْعَہ مفتی محمد اَمْجَد علی اَعظمی رحمۃ اللہ علیہ جو بہارِ شریعت کے مُصَنِّفْ ہیں ، ان کا بیان ہے کہ ایک روز ہم بارگاہِ اعلیٰ حضرت میں حاضِر تھے اور اعلیٰ حضرت رحمۃ اللہ علیہ سے حدیثِ پاک کا دَرْس لے رہے تھے۔

سُبْحٰنَ اللہ !   کیسا علمی ، ذوق و شوق والا ، عشقِ رسول والا ماحول ہو گا کہ دَرْسِ حدیث دینے والے اعلیٰ حضرت اِمامِ اہلسنت رحمۃ اللہ علیہ ہیں اور دَرْس سننے والے کون ہیں ؟  ماہِر عالِمِ دِین مفتی اَمْجد علی اعظمی رحمۃ اللہ علیہ اور آپ کے دیگر رُفَقَاء۔ سیدی اعلیٰ حضرت رحمۃ اللہ علیہ