اے عاشقانِ رسول!  * ساداتِ کرام کی تعظیم فرض ہے اور اُن کی توہین حرام ^{( [1] )}  جبکہ سیِّد کی بطورِ سیِّد یعنی وہ سیِّد ہے اِس لئے توہین کرنا  کُفر ہے ^{( [2] )}    *  ساداتِ کرام کی تعظیم و تکریم کی اَصل وجہ یہی ہے کہ یہ حضرات رسُول کائنات صَلَّی اللّٰہُ عَلَیْہِ واٰلِہٖ وَسَلَّم کے جسمِ اَطہر کا ٹکڑا ہیں ^{( [3] )}   *  اللہ پاک کی رحمت بن کر دنیا میں تشریف لانے والے نبی صَلَّی اللّٰہُ عَلَیْہِ واٰلِہٖ وَسَلَّم کی تعظیم و توقیر میں سے یہ بھی ہےکہ وہ تمام چیزیں جو حضور صَلَّی اللّٰہُ عَلَیْہِ واٰلِہٖ وَسَلَّم سے نسبت رکھتی ہیں ان کی تعظیم کی جائے ^{( [4] )}   *  تعظیم کے لئے نہ یقین دَرکار ہے اور نہ ہی کسی خاص سند کی حاجت لہٰذا جو لوگ سادات کہلاتے ہیں ان کی تعظیم کرنی چاہئے ^{( [5] )}    * جو واقع میں سیِّد نہ ہو اور دِیدہ و دِانستہ ( جان بوجھ کر ) سَیِّد  بنتا ہو وہ ملعون ( لعنت کیا گیا ) ہے ،  نہ اس کافرض قبول ہو نہ نفل ^{( [6] )}   * اگر کوئی بد مذہب سیِّد ہونے کا دعویٰ کرے اور اُس کی بد مذہبی حدِّ کفر تک پَہُنچ چکی ہو تو ہرگز اس کی تعظیم نہ کی جائےگی ^{( [7] )}    * سادات کی تعظیم ہماری شفاعت فرمانے والے آقا صَلَّی اللہ عَلَیْہِ وَاٰلِہٖ وَسَلَّم کی تعظیم ہے ^{( [8] )}   * استاد بھی سیِّد کو مارنے سے پرہیز کرے ^{( [9] )}   * ساداتِ کرام کو ایسے کام پر ملازم رکھا جا سکتا ہے جس میں ذِلَّت نہ  پائی جاتی ہو البتہ ذِلَّت والے کاموں میں انہیں ملازم رکھنا جائز نہیں۔ ^{( [10] )}