پیارے پیارے اسلامی بھائیو!ہمیں  بھی مسجدوں کو پاک وصاف رکھنا چاہیے  کہ مسجد کی صَفائی کرنے والا اللہ پاک کامحبوب ہوتاہے ،  حدیثِ پاک میں ہے  : ’’  مَنْ اَلِفَ الْمَسجد اَ لِفَهُ اللهُ  جو مسجد سے مَحَبَّت کرتا ہے ، اللہ  پاک اسے اپنا محبوب بنا لیتاہے ۔  ‘‘  ( مجمع الزوائد  ، کتا ب الصلوۃ ، باب لزوم المساجد ، رقم ۲۰۳۱  ، ج ۲ ،  ص ۱۳۵ ) مسجدکی صفائی کرنے والےاور اس میں رہ کر اللہ   پاک کی عِبادت ورِیاضت کرنے والے بڑے ہی خُوش نصیب ہیں ۔ یقیناً مسجداللہ  پاک کی بہت ہی پیاری نعمت اور شیطان کے حملوں سے بچنے کیلئے بہت زَبَردَسْت  رُکاوٹ ہے جیساکہ حضرتِ عبدُ الرّحمٰن بن مَعْقِل  رَضِیَ اللہُ  عَنْہ   فرماتے ہیں : ہم سے بیان کیا جاتا تھاکہ  اَلْمَسْجِدُ حِصْنٌ حَصِینٌ مِّنَ الشَّیْطٰن یعنی مسجد شیطان سے بچنے کے لیے ایک مضبوط قَلعہ  ( قَل۔ عَہ )  ہے۔   ( مُصَنَّف ابن اَبی شَیْبہ  رقم ۴ ، ج۸ ص۱۷۲ )

مسجِد کی حیرت انگیز   رَونقیں

                             مگرافسوس صَدکروڑافسوس!فِی زَمانہ شیطان کے شَرسے بچنے کیلئے مَساجد میں عِبادت  وتلاوت کرنے والے بہت کم رہ گئے ہیں ، بلکہ اب تو مَعَاذَ اللہ  مسلمانوں کی حالت اس  قَدَر اَبتَر ( یعنی بُری ) ہوتی جا رہی ہےکہ نماز کے اَوْقات میں مسجدیں ویران نظرآتی ہیں ، جبکہ چوک  ، بازار ، سنیما گھراورتَفْرِیْحی مَقامات پرجَمِ غَفیر ( یعنی بہت رَش )  دکھائی دیتا ہے۔ مُؤذِّن دن میں پانچ ( 5 ) مرتبہ حَیَّ عَلَی الْفَلَاحِ  ( آؤ فلاح کی طرف ) کی صَدالگاکر  مسجد میں آنے کی دعوت دیتا ہے ، مگر  بدقسمتی سے ہم اس حاضری سے محروم رہتے ہیں۔ لہٰذا مسجدوں کی ویرانی پرخُوب دل جَلایئے ، امیرِ اہلسنّت   دَامَتْ بَـرَکاتُہُمُ الْعَالِیَہ  کے عطا کردہ اسلامی بھائیوں کے72  نیک اعمال میں سے  نیک عمل  نمبر2پر عمل کی اچھی نیّت سے اپنے گھر والوں ،  پڑوسیوں اوررِشْتہ داروں کونمازکی ترغیب دِلاکرمسجدمیں لائیے ، زورو شور سے ’’  مسجد بھروتحریک ‘‘  چلایئے اورایک ایک بے نمازی پراِنْفرادی کوشش کر کے اسے نمازی بنایئے اور یُوں اپنی مَساجد کا تَحَفُّظ بھی فرمایئے کہ جومکان