Book Name:Masjid Ke Adaab
پیارے پیارے اسلامی بھائیو !آئیے!شیخ طریقت ، امیر اہلسنّت دَامَتْ بَـرَکاتُہُمُ الْعَالِیَہ کے رسالے 101 مدنی پُھول سے سونے جاگنے کی سنتیں اور آداب سنتے ہیں : * سونے سے پہلے بستر کواچھی طرح جھاڑلیجئے تاکہ کوئی مُوذی کیڑا وغیرہ ہو تو نکل جائے ، * سونے سے پہلے یہ دعا پڑھ لیجئے : اَ للّٰھُمَّ بِاسْمِکَ اَمُوْتُ وَاَحیٰ ترجمہ : اے اللہ پاک!میں تیرے نام کے ساتھ ہی مرتا ہوں اور جیتا ہوں ( یعنی سوتا اور جاگتا ہوں ) ۔ ( بخاری ، ۴ / ۱۹۶ ، حدیث : ۶۳۲۵ ) * عصر کے بعد نہ سوئیں عقل زائل ہونے کا خوف ہے۔ فرمانِ مُصْطَفٰے صَلَّی اللہُ عَلَیْہِ واٰلِہٖ وَسَلَّمَ : جو شخص عصر کے بعد سوئے اور اس کی عقل جاتی رہے تو وہ اپنے ہی کو ملامت کرے۔ ( مسند ابی یعلیٰ ، حدیث : ۴۸۹۷ ، ۴ / ۲۷۸ ) * دوپہر کو قیلولہ ( یعنی کچھ دیر لیٹنا ) مستحب ہے۔ ( فتاویٰ ہندیۃ ، ۵ / ۳۷۶ ) مفتی محمد امجد علی اعظمی رَحْمَۃُ اللّٰہ ِعَلَیْہ فرماتے ہیں : غالِباً یہ ان لوگوں کے لیے ہوگا جو شب بیداری کرتے ہیں ، رات میں نمازیں پڑھتے ذکرِ الٰہی کرتے ہیں یا کُتب بینی یا مطالعے میں مشغول رہتے ہیں کہ شب بیداری میں جو تکان ہوئی قیلولے سے دَفع ہوجائے گی۔ ( بہارِشريعت حصّہ۶ا ، ۳ / ۷۹ ) * دن کے ابتدائی حصے میں سونا یا مغرب و عشاء کے درمیان میں سونا مکروہ ہے۔ ( فتاویٰ ہندیۃ ، ۵ / ۳۷۶ )
چھینکنے کی بقیہ سنتیں اور آداب تربیتی حلقوں میں بیان کیے جائیں گے لہٰذا ان کو جاننے کیلئے تربیتی حلقوں میں ضرور شرکت کیجئے ۔
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
دعوتِ اسلامی کے ہفتہ وار سنّتوں بھرے اجتماع
میں پڑھے جانے والے 6 دُرودِ پاک اور 2 دُعائیں
( 1 ) شبِ جُمعہ کادُرُود