الْجَوامِعْ کا ذِکْر کیا اور عرض کیا : یارسول اللہ صَلَّی اللہُ عَلَیْہِ وَاٰلِہٖ وَسَلَّم! کیا میں اس کتاب میں سے کچھ پڑھ کر سُناؤں؟ پیارے آقا ، سردارِ انبیا صَلَّی اللہُ عَلَیْہِ وَاٰلِہٖ وَسَلَّم  نے فرمایا : سُناؤ! اے  شَیْخُ الْحَدَیث...!

امام سیوطی رَحمۃُ اللہِ عَلَیْہ فرماتے ہیں : پیارے  آقا ، دوجہاں کے داتا صَلَّی اللہُ عَلَیْہِ وَاٰلِہٖ وَسَلَّم  کا مجھے  شَیْخُ الْحَدَیث فرمانا یہ ایسی بشارت ہے جو میرے نزدیک دُنیا اور جو کچھ دُنیا میں ہے ، اس سب سے بڑھ کرہے۔ ^([1])

مُحَمَّدِ مصطفےٰ!      سب سے آخری نبی احمدِ مجتبیٰ!           سب سے آخری نبی

آمنہ کا لاڈلا!                                               سب سے آخری نبی تاجدارِ انبیا!        سب سے آخری نبی

شاہِ ہر دوسرا!      سب سے آخری نبی ہیں حبیبِ کبریا!     سب سے آخری نبی

ہیں شفیعُ الْوَرٰی!    سب سے آخری نبی ہے ہمارا نَظْریہ!    سب سے آخری نبی

عقیدہ سب صحابہ کا! سب سے آخری نبی عقیدہ اہلِ  بیت کا!   سب سے آخری نبی

         75 مرتبہ بیداری میں دیدارِ مصطفےٰ صَلَّی اللہُ عَلَیْہِ وَاٰلِہٖ وَسَلَّم

 اے عاشقانِ رسول ! امام جلالُ الدِّین سیوطی شافعی رَحمۃُ اللہِ عَلَیْہ کے نصیب دیکھئے کہ آپ کو رسولِ اکرم ، نُورِ مجسم صَلَّی اللہُ عَلَیْہِ وَاٰلِہٖ وَسَلَّم  نے خُود اپنی پیاری پیاری زبان مبارک سے  شَیْخُ الْحَدَیث فرمایا۔ سیدی اعلیٰ حضرت امام اہلسنت شاہ امام احمد رضا خان رَحمۃُ اللہِ عَلَیْہ فرماتے ہیں : امام جلالُ الدِّین سیوطی رَحمۃُ اللہِ عَلَیْہ وہ بلند رُتبہ بزرگ ہیں کہ آپ جاگتے ہوئے 75 مرتبہ حُضُور ، پُرنُور ، سیدُ الانبیا صَلَّی اللہُ عَلَیْہِ وَاٰلِہٖ وَسَلَّم  کے دیدار سے مُشَرَّف ہوئے۔ ^([2])