بلکہ خُود نفس میں ہے وہ سُبْحٰنُہٗ            عرش پر ہے مگر عرش کو جستجو

اللہُ اللہُ                    اللہُ اللہُ^([1])

وضاحت : اللہ پاک جس کی قُدْرت کے جلوے دُنیا بھر میں پھیلے ہوئے ہیں بلکہ ہمارے اندر بھی اُس کے جلوے ہیں ، دِل کو اُس پاک ہستی کے دِیدار کی خواہِش ہے۔  

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

امام جَلالُ الدِّیْن سیوطی رَحمۃُ اللہِ عَلَیْہ کا ذِکْرِ خیر

پیارے اسلامی بھائیو!  19 جمادَی الْاُولیٰ کو اپنے وقت کے بہت بڑے امام حضرت امام جلالُ الدِّیْن سیوطی شافعی رَحمۃُ اللہِ عَلَیْہ کا عُرْسِ پاک ہوتا ہے ، آئیے! حُصُولِ برکت کے لئے امام سیوطی رَحمۃُ اللہِ عَلَیْہ کا مختصر ذِکْرِ خیر سُن لیتے ہیں

امام سیوطی رَحمۃُ اللہِ عَلَیْہ کا نام مبارک : عبد الرحمٰن اور لقب : جلالُ الدِّین ہے۔ آپ پہلی (st1) رجب المرجب     ، 849 ہجری کو مِصْر کے شہر قاہرہ میں پیدا ہوئے کم و بیش 62 سال اس دُنیا میں رِہ کر 19 جمادَی الْاُولیٰ ، سِن 911 ہجری کو اس دُنیا سے رخصت ہوئے۔ ^([2])

بارگاہِ نُبُوّت سے لقب مِل گیا

امام سیوطی رَحمۃُ اللہِ عَلَیْہ کی ایک کتاب ہے : جَمْعُ الْجَوامِعْ۔ اس کتاب میں امام سیوطی رَحمۃُ اللہِ عَلَیْہ نے پیارے آقا ، مکی مدنی مصطفےٰ صَلَّی اللہُ عَلَیْہِ وَاٰلِہٖ وَسَلَّم  کی اَحَادِیث جمع فرمائی ہیں۔ امام سیوطی رَحمۃُ اللہِ عَلَیْہ فرماتے ہیں : ایک مرتبہ مجھے خواب میں پیارے نبی ، رسولِ ہاشمی صَلَّی اللہُ عَلَیْہِ وَاٰلِہٖ وَسَلَّم  کی زیارت نصیب ہوئی تو میں نے اپنی کتاب جَمْعُ