سورۃ الانفال ، آیت : 16 میں ارشاد ہوتا ہے :

فَقَدْ بَآءَ بِغَضَبٍ مِّنَ اللّٰهِ وَ مَاْوٰىهُ جَهَنَّمُؕ-وَ بِئْسَ الْمَصِیْرُ(۱۶)                                     (پارہ9 ، سورۃالانفال : 16)

ترجمہ کنز الایمان : تو وہ اللہ کے غضب میں پلٹا اور اس کا ٹھکانا دوزخ ہے اور کیا بُری جگہ ہے پلٹنے کی۔

موت سے چھٹکارا ممکن نہیں

اے عاشقانِ رسول! مَوْت کوئی ایسی بھی شے نہیں کہ بھاگ کر ، کہیں چھپ کر اس سے پیچھا چھڑایا جا سکے ، موت تَو ہر جگہ آ سکتی ہے ، دُنیا میں کوئی ایسا مقام نہیں جہاں چھپ کر ہم موت سے پناہ لے سکیں ، جب مُعَامَلہ ایسا ہے تو وباؤں سے ڈَر کر بھاگنا عقل مندی نہیں ، بےوقوفی ہے ، پارہ 28 ،  سُوْرَۃُ الْجُمُعَہ ، آیت : 8 میں ارشاد ہوتا ہے :

اِنَّ الْمَوْتَ الَّذِیْ تَفِرُّوْنَ مِنْهُ فَاِنَّهٗ مُلٰقِیْكُمْ  (پارہ28 ، سورۃالجمعہ : 8)

ترجمہ کنز الایمان : وہ موت جس سے تم بھاگتے ہو وہ تو ضرور تمہیں ملنی ہے۔

امیرِ اہلسنت ، بانیِ دعوتِ اسلامی حضرت علامہ مولانا محمد الیاس عطار قادِری رضوی  دامت برکاتہم العالیہ  غفلت کی نیند سونے والوں کو گویاکہ جگانے کی کوشش فرمارہے ہیں!

بے وفا دُنیا پہ مت کر اعتبار                   تُو اچانک موت کا ہو گا شکار

جب فرشتہ موت کا چھا جائے گا                پھر بچا کوئی نہ تجھ کو پائے گا

کر لے توبہ رَبّ کی رَحْمت ہے بڑی            قبر میں ورنہ سزا ہو گی کڑی

صَلُّوا عَلَی الْحَبیب!                                                                  صَلَّی اللّٰہُ عَلٰی مُحَمَّد

اے عاشقانِ رسول! قرآنی آیات ، احادیث سے معلوم ہوا کہ موت سے بھاگنا ناممکن ہے ، لہٰذا وبائیں پھیلیں ، طاعُون آئے ، کُرُونا دُنیا میں اُودھم مچا دے تو احتیاطی تدابیر اختیار کرنا ، SOPs (Standard Operating Procedure) پر عمل کرنا اپنی جگہ درست