اللہ اکبر! اس موقع پر بھی اللہ پاک کی رَحْمَت دیکھئے! ارشاد ہوتا ہے :

وَ یَعْفُوْا عَنْ كَثِیْرٍؕ(۳۰)  (پارہ25 ، سورۃالشوری : 30)

ترجمہ کنز الایمان : اور بہت کچھ تو معاف فرمادیتا ہے۔

پارہ14 ، سورة النحل ، آیت : 61 میں اِرْشاد ہوتا ہے :

وَ لَوْ یُؤَاخِذُ اللّٰهُ النَّاسَ بِظُلْمِهِمْ مَّا تَرَكَ عَلَیْهَا مِنْ دَآبَّةٍ     (پارہ14 ، سورۃالنحل : 61)                                              

ترجمہ کنز الایمان : اور اگر اللہ لوگوں کو ان کے ظلم پر گرفت کرتا تو زمین پر کوئی چلنے والا نہیں چھوڑتا۔

اے عاشقانِ رسول! تَوبَہ و استغفار عِبَادت ہے ، ہمیں چاہئے کہ ہر حال میں اللہ پاک سے مُعَافِی مانگیں ، توبہ کیا کریں اور اگر خدانخواستہ وبائیں پھیلیں ، آفات آئیں ، تب تو کَثْرَت کے ساتھ توبہ واستغفار کرنا چاہئے کہ اس کی برکت سے آفات ٹل جاتی ہیں ، حضرت نُوْح  عَلَیْہِ السَّلام  کی قوم پر ایک مرتبہ سخت قحط آیا تَو حضرت نوح  عَلَیْہِ السَّلام  نے انہیں اس قحط سے نجات پانے کا ایک بہترین طریقہ بتاتے ہوئے فرمایا :

اسْتَغْفِرُوْا رَبَّكُمْؕ-اِنَّهٗ كَانَ غَفَّارًاۙ(۱۰) یُّرْسِلِ السَّمَآءَ عَلَیْكُمْ مِّدْرَارًاۙ(۱۱) وَّ یُمْدِدْكُمْ بِاَمْوَالٍ وَّ بَنِیْنَ وَ یَجْعَلْ لَّكُمْ جَنّٰتٍ وَّ یَجْعَلْ لَّكُمْ اَنْهٰرًاؕ(۱۲)   (پارہ29 ، سورۃنوح : 10تا 12)                

ترجمہ کنز الایمان : اپنے رب سے معافی مانگو بے شک وہ بڑا معاف فرمانے والا ہےتم پر شرّاٹے کا مینہ(موسلا دھار بارش) بھیجے گااور مال اور بیٹوں سے تمہاری مدد کرے گااور تمہارے لیے باغ بنادے گا اور تمہارے لیے نہریں بنائے گا۔

مجھے سچی توبہ کی توفیق دے دے                                                                                            پئے تاجدارِ حرم یاالٰہی!

 (2) : نماز سے مددطلب کیجئے

آفات ومَصَائِب کے وقت ، مشکلات میں نماز کے ذریعے اللہ پاک سے مدد مانگنی چاہئے کہ نماز ذریعۂ نجات ہے ، پارہ 2 ، سُوْرَۂ بَقَرَہ ، آیت : 153 میں حکم ہوتا ہے :