Book Name:Wabae Amraz or islam
الْقَارِعَہ پڑھنے سے بلاؤں سے حِفَاظت ہوتی ہے۔ ([1]) سُوْرَۃُ النُّوْح پڑھئے کہ وبائی اَمْراض بھگانے میں بہت مفید ہے۔([2])
علاجِ گِرَاں مَایَہ بخشا ہے اُس نے کلامِ خُدا ہر مرض کی دَوَا ہے
دَرُودِپاک کی بھی کثرت کیجئے کہ دَرُودِ پاک ہر دَرْد کی دوا ہے ، ہر مشکل کا حل ہے ، درود پڑھنے سے شِفَا ملتی ہے ، درود پڑھنے سے غم دُور ہوتے ہیں۔ اسی طرح وباء کے دِنوں میں اذان بھی دیجئے کہ اس سے وبائیں بھاگتی ہیں ، بہارِ شریعت میں ہے : وبا کے زمانے میں اذان دینا مستحب (یعنی شرعاً پسندیدہ) ہے۔ ([3])
(۵) : دُکھی انسانوں کو یاد رکھئے
پیارے اسلامی بھائیو! پریشان حال کی پریشانی دُور کرنا کارِ ثواب ہے ، وباؤں آفتوں کے وقت یہ نیک کام کرنا ہر گز نہیں بھولنا چاہئے ، اللہ کے پیارے حبیب ، دِلوں کے طبیب صَلّی اللہُ عَلَیْہ وآلِہ وسَلَّم نے فرمایا : اَللہُ فِیْ عَوْنِ عَبْدِہٖ مَا کَانَ الْعَبْدُ فِیْ عَوْنِ اَخِیْہِ بندہ جب تک اپنے مسلمان بھائی کی مُعَاوَنَت کرتا ہے ، اللہ پاک اس کی مدد فرماتا ہے۔([4])
احادیث میں طَاعُوْن پھیلنے کے دِنوں میں ، طاعُوْن سے ڈر کر بھاگ جانے سے منع کیا گیا ہے ، اس کی ایک حکمت بیان کرتے ہوئے مُفسّرِ قرآن ، مفتی احمد یار خان نعیمی رَحمۃُ اللہِ عَلَیْہ فرماتے ہیں : وَبا میں اکثر اپنے اَہْلِ قرابت اور دوست اَحْبَاب بیمار ہو جاتے ہیں ، جس سے