بیان سننے کی نیتیں

فرمانِ مصطفےٰ  صَلّی اللہُ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّةُ الصَّادِقَةُ سچی نیت  سب سے اَفْضَل عَمَل ہے۔ ^([1]) اے عاشقانِ رسول! ہر کام سے پہلے اچھی اچھی نیتیں کرنے کی عادَت بنائیے کہ اچھی نیت بندے کو جنَّت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاًنیت کیجئے! * عِلْم سیکھنے کے لئے پورا بیان سُنوں گا * بااَدب بیٹھوں گا * دورانِ بیان سُستی سے بچوں گا  * اپنی اِصْلاح کے لئے بیان سُنوں گا * جو سُنوں گا دوسروں تک پہنچانے کی کوشش کروں گا۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

امام حَسَن بصری  رَحمۃُ اللہِ عَلَیْہ  اور فِکْرِ آخِرت

امام حَسَن بصری  رَحمۃُ اللہِ عَلَیْہ  تابعی بُزُرگ ہیں ، آپ نے کئی صَحَابۂ کرام علیہم الرِّضْوَان کی زیارت کی اور ان سے فیض لِیا ، مولائے کائنات ، مولا علی  رَضِیَ اللہُ عَنْہ  سے آپ نے وُضو کا طریقہ سیکھا ، ^([2])امام حَسَن بصری  رَحمۃُ اللہِ عَلَیْہ  بڑے خوفِ خُدا والے ،  عاجزی وانکساری کرنے والے تھے ، اللہ پاک نے آپ کی زبان میں تاثیر رکھی تھی ، بَڑی حکمت بھری باتیں کیا کرتے تھے ، ایک مرتبہ آپ بیان کر رہے تھے ، بابِ مدینۃُ الْعِلْم ، مولائے کائنات ، مولا علی  رَضِیَ اللہُ عَنْہ  نے آپ کا بیان سُنا ، سُن کر فرمایا : سُبْحٰنَ اللہ! یہ صدیق کا کلام ہے۔ ^([3])

ایک مرتبہ امام حَسَن بصری  رَحمۃُ اللہِ عَلَیْہ  نے کہیں جانا تھا تو دریائے دجلہ کے کنارے