اَثر ہوا ، الحمد للہ! آہستہ آہستہ پورا گھرانہ ہی قادری ،  رضوی ، عطاری رنگ میں رنگ گیا ، گھر میں نمازوں کی پابندی شروع ہو گئی ، فلمیں ڈرامے ، گانے باجے بند ہو گئے اور گھر میں گُنَاہوں بھرے چینلز کی جگہ مدنی چینل چلنے لگ گیا۔^([1])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

پیارے اسلامی بھائیو! بیان کو اختتام کی طرف لاتے ہوئے سُنّت کی فضیلت اور  چند آدابِ زندگی بیان کرنے کی سَعَادت حاصِل کرتا ہوں۔ تاجدارِ رسالت ، شہنشاہِ نبوت  صَلّی اللہُ عَلَیْہ وآلِہ وسَلَّم  نے فرمایا : مَنْ اَحَبَّ سُنَّتِي فَقَدْ اَحَبَّنِي وَمَنْ اَحَبَّنِي كَانَ مَعِي فِي الْجنَّة جس  نے میری سُنّت سے محبت کی اس نے مجھ سے محبت کی اور جس نے مجھ سے محبت کی وہ جنّت میں میرے ساتھ ہو گا۔ ^([2])

سینہ تیری سُنّت کا مدینہ بنے آقا!                        جنت میں پڑوسی مجھے تم اپنا بنانا

 “ نفل نمازیں پڑھنا “ سُنَّت ہے

دو ۲فرامینِ مصطفےٰ  صَلّی اللہُ عَلَیْہ وآلِہ وسَلَّم : (1) : اَلصَّلاۃُ نُوْرٌ نماز نُوْر ہے۔ ^([3]) (2) : جو تنہائی میں 2 رَکْعَت نماز پڑھے کہ اللہ پاک اور اس کے فرشتوں کے سِوا کوئی نہ دیکھے ، اس کے لئے جہنّم سے آزادی لکھ دی جاتی ہے۔ ^([4])

اے عاشقانِ رسول! کَثْرَت سے نَفْل نمازیں پڑھنا سُنّت ہے۔ مَاشَآءَ اللہ! ہمارے