اے عاشقانِ اولياء! تاسو اوليدل! خواجه غريبِ نواز رَحْمَةُ اللهِ عَلَيْه څنګه غريب نواز وو؟ الله پاك دِ مونږ ته هم د غريبانو د مدد كولو توفيق را عطا كړي. زمونږ خوږ آقا  صَلَّى اللهُ عَلَيْهِ وَاٰلِهٖ وَسَلَّم فرمائيلي دي : اَلْخَلْقُ کُلُّہُمْ عَیَالُ اللّٰہِ  ټول مخلوق د الله پاك عيال دي (چې په حقيقت كښې هغه د ټولو پالونكے دے) فَاَحَبُّہُم اِلَی اللّٰہِ اَنْفَعُہُم لِعَیَالِہٖ نو د الله پاك زيات خوښ هغه دے څوک چې د الله پاك عيال ته زياته ګټه [يعني فائده] رسوي. ^([1])   

     په يو حديثِ پاك كښې دي : څوك چې د يو غمګين كس مدد اوكړي ، الله پاك د هغه د پاره 73 بخښنې ليكي ، په هغې كښې په يوه بخښنه د هغه ټول كارونه  سم شي او باقي 72 بخښنې په ورځ د قيامت د هغه درجے دي. ^([2])

    حضرت سيدنا اَنَس بِن مالِك رَضِیَ اللهُ عَنْه فرمائي : خوږ نبـي  صَلَّى اللهُ عَلَيْهِ وَاٰلِهٖ وَسَلَّم حضرت عائشه صِدِّيقه  رَضِیَ الله عَنْها  ته مُخاطَب شو او اوئې فرمائيل : یا عائشۃ  اَحِبِّی الْمَسَاکِیْنَ وَ قَرِّبِیہِمْ اے عائشه! مِسكينانو سره مينه كوه! او هغوئي ځان ته نِزدې ساته!  فَاِنَّ اللّٰہَ یُقَرِّبُکِ یَوْمَ الْقِیَامۃِ الله پاك به په ورځ د قيامت تا ته خپل قُرب در نصيب كړې. ^([3])

حضرت نُوح عَلَيْهِ السَّلام غريبانان د ځان نه لرې نه کړل

     خوږو او مُحترمو اسلامي ورونړو!  د غريبانو زړه ساتلو د پاره د هغوئي سره ناسته د انبيائے كرام  عَلَيْهِمُ السَّلام سُنَّت دي. يو ځل كافرانو حضرت نُوح عَلَيْهِ السَّلام ته اووئيل : ستاسو په محفل كښې غريبان او مسكينان خلق كښيني ، هغوئي د خپل محفل نه لرې كړئ چې مونږه ستاسو خوا ته راشو او ستاسو خبره اومنو. په دې باندې چې حضرت نوح عَلَيْهِ السَّلام كوم