رب لاړ شئ! او جِهاد  اوكړئ! مونږ به هُم دلته ناست يُو. الله الله داسې بے هِمَّتي......!!

      [اوس غور اوکړئ چې] يو طرف ته بنـي اسرائيل دي چې په هغوئي باندې د آسمان نه طعامونه نازل شوي وو ، د دې باوُجود هغوئي بُزدلي ښكاره كړه ، بل طرف ته د خوږ آقا مصطفٰى جانِ رحمت صَلَّى اللهُ عَلَيْهِ وَاٰلِهٖ وَسَلَّم فِدايان اوګورئ! چې كله صرف په كجورو ګزاره كوي ، كله لوږه تيروي ، د لوږې د سختې نه په خيټو باندې كانړي تړي ، د دې باوُجود چې بدر ته اُوبللے شو نو بدر ته اورسيدل ، چې اُحُد ته اُوبللے شو نو اُحد ته لاړل ، كله د 313 لښكر په 1000 غالب شي ، كله د خيبر دروازه د سټې خيژوي او كله د رُوم او اِيران دروازے ډبوي ، بنـي اسرائيلو من او سلوٰى اوخوړل او بُزدلي ئې ښكاره كړه ، صحابۀ كرام عَلَیْهِمُ الرِّضْوَان  به اوږي اوسيدل خو د هغوئي د رُعب او دبدبے نه به د وخت غټ غټ بادشاهان رپيدل. د الله پاك ډىر ډير رحمتونه دِ وي په هغه صحابۀ كرامو عَلَیْهِمُ الرِّضْوَان باندې ، چې ډير زيات مشكلات ئې برداشت كړي دي خو دين ئې پورا پورا غالب كړے دے.

     خىر! بنـي اسرائيلو بُزدلي ښكاره نو الله پاك هغوئي په مقامِ تِيَه كښې قيد كړل ، هغوئي به سحر روان شو ، ټوله ورځ به ئې سفر اوكړو ، ماښام به چې اودريدل نو په هُم هغه ځائے به وو د كوم ځائے نه به چې روان شوي وو. 40 كالو پورې دا خلق هم هغلته قيد وو.^([1]) آخر دا چې د هغوئي دا قيد ختم شو ، الله پاك هغوئي ته بَیْتُ الْمَقْدَس ته د تللو حكم اوكړو او هلته د تللو دوه آداب ئې ورته ارشاد کړل :

وَّ ادْخُلُوا الْبَابَ سُجَّدًا  (پ : 1 ، بقرہ : 58)

مفهوم ترجمہ کنز الایمان : او په دروازه كښې سجده كوونكي داخل شئ۔