Book Name:Tabrukat Ki Barakat
كښې د ساه اچولو طاقت هم پيدا كوي.
اے عاشقانِ رسول! په دې ځائے كښې يوه بله د ايمان نه ډكه نُكته ده. د حضرت جبريل عَلَیْهِ السَّلام د اَس د ښپو سره لګيدلي خاوره بے ساه څيز كښې د ساه اچولو اثر لري ، دا حضرت جبريل عَلَیْهِ السَّلام څوك دے؟ د فرښتو سردار او زمونږ د خوږ نبـي صَلَّى اللهُ عَلَيْهِ وَاٰلِهٖ وَسَلَّم خادم دے. نو بيا به مونږه ولې نه وايُو۔
چاہیں تو اشاروں سے اپنے کایا ہی پلٹ دیں دُنیا کی
یہ شان ہے اُن کے غلاموں کی سرکار کا عالم کیا ہو گا
[د شعر مفهوم : يعني د رَسُولُ الله صَلَّى اللهُ عَلَيْهِ وَاٰلِهٖ وَسَلَّم غلامانو ته الله پاک دومره طاقت ورکړے دے چې که هغوئي اوغواړي نو د دُنيا حالت به بدل کړي نو بيا پخپله د هغوئي صَلَّى اللهُ عَلَيْهِ وَاٰلِهٖ وَسَلَّم د شان به څه حال وي]
الله! الله! اندازه اولګوئ! چې كله د خادم د اَس د ښپو سره لګيدلي خاوره داسې ده نو د الله نِعمَت ، مصطفٰى جانِ رحمت صَلَّى اللهُ عَلَيْهِ وَاٰلِهٖ وَسَلَّم مبارك قدمونه په كومه خاوره لګيدلي وي د هٰغه خاورے مرتبه به څومره وي.
نو اے عاشقانِ رَسُول! غور اوکړئ چې د حُضُور صَلَّى اللهُ عَلَيْهِ وَاٰلِهٖ وَسَلَّم د خادِم د اس د ښپې لاندې راغلي خاورې دا شان دے نو د الله پاک د خوږ محبوب د ټولو نبيانو د سردار صَلَّى اللهُ عَلَيْهِ وَاٰلِهٖ وَسَلَّم د قدم مبارک سره لګيدلي خاورې مبارکې به څومره اعلٰی شان وي۔
صَـــلُّـــوْا عَـــلَـی الْــحَـــبِــيْــب! صَـلَّـی اللهُ تَعالٰـی عَلـٰی مُـحَـمَّد
(2) دويم لفظ : سَكِيْنَه او د دې وضاحت
دويم لفظ چې په قرآنِ كريم كښې د تَـبَـرُّكاتو د پاره استعمال شوے دے : هغه لفظ دے “ سَكِيْنَه “ ، د دې لفظى معنٰى ده : زړه ته اطمينان او سكون وركولو والا څيز.