Book Name:Tabrukat Ki Barakat
په قرآنِ كريم كښې د “ تَـبَـرُّكاتو “ ذِكر
خوږو او محترمو اسلامي ورونړو! الله پاك په قرآنِ كريم كښې د خپلو محبوبو بندګانو سره د نسبت لرونكو څيزونو کثرت سره ذِكر كړے دے. په قرآنِ كريم كښې د تَـبَـرُّكاتو د پاره درې ټكي راغلي دي : (1) اَثَر (2) سَكِيْنَه (3) شَعَائِرُ الله
(1)وړومبے لفظ “ اَثَر “ او د دې وضاحت
په بنـي اسرائيلو كښې يو كس وو ، موسٰى سامري. د عبرت خبره اوګورئ! په يو وخت او يو ځائے او يو قوم كښې په يو نوم دوه كسان وو خو كارونه د دواړو مختلف وو : (1) يو حضرت موسٰى عَلَیْهِ السَّلام دا د الله پاك خوږ نبـي دے. (2) بل موسٰى سامري ، دا كافر منافق وو. چې كله الله پاك موسٰى عَلَیْهِ السَّلام ته تَوريت وركولو د پاره هغوئي عَـلَيْـهِ الـسَّـلَام كوهِ طُور ته را اوبللو ، نو هغوئي عَلَیْهِ السَّلام 40 ورځې هلته تشريف فرما وو ، دلته سامري د بنـي اسرائيلو نه ټول كالي [سره زر ، سپين زر] راټول كړل ، هغه ئې ويلي كړل او سخے ئې ترينه جوړ كړو ، ښکاره خبره ده چې هغه سخے بے ساه وو ، نه ئې آواز وِيستلے شو او نه ئې حركت كولے شو ، خو سامري سره يو عجيبه څيز وو ، هغه ئې چې د سخي په خُله كښې کيښودو نو هغه ژوندے شو او آوازونه ئې شروع كړل. سامري بنـي اسرائيلو ته اووئيل : دا سخے ستاسو خدائے دے ، د دې عبادت كوئ. ([1]) (اَسْتَغْفِرُ اللّٰہ... اَسْتَغْفِرُ اللّٰہ) هلته حضرت موسٰى عَلَیْهِ السَّلام ته په كوهِ طور كښې د سامري د شرارتونو خبر اوشو ، هغوئي عَلَیْهِ السَّلام د جلال په كيفيت كښې بيرته راغلو او د سامري نه ئې تپوس اوكړو :
[1] تفسیر صِرَاطُ الجنان ، پارہ : 9 ، سورۂ اَعْرَاف ، تحت الآیۃ : 148 ، جلد : 3 ، صفحہ : 435 ، خلاصۃً۔