Pul Sirat K Ahwal

Al Quran Books Madani Channel

Magazine Courses Media

صَلُّوا عَلَی الْحَبیب! صَلَّی اللّٰہُ عَلٰی مُحَمَّد

پیارے اسلامی بھائیو !پل صراط کی اتنی دہشت کے باوجود بھی اس پر کچھ لوگ بجلی کی سی تیزی سے اور کچھ لوگ درمیانی رفتار سے اور کچھ گھسٹتے گھسٹتے گزریں گے ، ان کا اس طرح گزرنا ان کے اعمال کی وجہ سے ہوگاجیسا کہ

مفسرِ قرآن حضرت مفتی احمد یار خان رَحْمَۃُ اللّٰہ ِ عَلَیْہ مِرْآۃُ المَناجِیح میں پل صراط سے گزرنے والوں کے بارے میں فرماتے ہیں کہ ان کی رفتاروں میں یہ فرق ان کے نیک اعمال اور اخلاص کی وجہ سے ہو گا ، جیسا عمل اور جیسا اخلاص ویسی ہی وہاں اس کی رفتار ہوگی ۔ اَشِعَّۃُ اللَّمۡعَات میں ہے : پل صراط پر تیزی سے گزرجانے کی اصل وجہ پیارے آقا ، مدینے والے مصطفیٰ صَلَّی اللّٰہُ عَلَیْہِ وَاٰلِہٖ وَسَلَّم کا اُمتیوں پر نگاہ ِکرم فرمانا ہے یعنی حضور صَلَّی اللّٰہُ عَلَیْہِ وَاٰلِہٖ وَسَلَّم سے جتنا زیادہ قُرب ہوگا اتنی زیادہ رفتار تیز ہوگی ۔ ^{(^[1])}

میرے آقا اعلیٰ حضرت امام احمد رضا خان رَحْمَۃُ اللّٰہ ِ عَلَیْہ اللہ پاک کی بارگاہ میں اس پل صراط کا تَصَوُّر رکھ کر اور پیارے آقا کی مَدَد اور شفاعت کی خیرات مانگتے ہوئے یوں کہتے ہیں :

یا الٰہی جب چلُوں تاریک راہِ پُل صراط آفتابِ ہاشِمی نورُالْھُدیٰ کا ساتھ ہو

یا الٰہی جب سر شمشیر پر چلنا پڑے ربِّ سلِّم کہنے والے غمزُدا کا ساتھ ہو

یاالٰہی! نامۂ اعمال جب کُھلنے لگیں عیب پوشِ خلق ستارِخطا کا ساتھ ہو^{(^[2])}

[1] مراۃ المناجیح ، حوض و شفاعت کا بیان ، ج7 ، ص 474 بتغیر قلیل

[2] حدائقِ بخشش ص133

Important

Mobile Apps

Contact Us