فرمایا : دُرُود  شریف قیامت کے روز پُل صِرَاط  پر تاریکی کے وقت نور ہوگا۔ ^([1])

بچاوے تم کو جو دوزخ سے ایسے محسن پر                  سدا سلام کہو  عمر بھر درود  پڑھو

عبث گناہوں کی شامت  میں مارے پھرتے   ہو                          خدا کی تم پے ہو رحمت اگر درود  پڑھو

                                                                                            ہزار درد کو ایک دوا کفایت ہے                                                                                                 جو پیش آئے ذرا بھی خطر درود  پڑھو ^([2])

مختصر وضاحت : ہمیں دوزخ سے بچانے والے اور پل صراط پر ہماری حفاظت کی دعا کرنے والےایسے محسن اورکریم   آقا  صَلَّی اللّٰہُ عَلَیْہِ وَاٰلِہٖ وَسَلَّم  پردُرود پڑھیں۔ اور کیوں گناہوں کی بدنصیبی  کی وجہ  اِدھر اُدھر پھر رہے ہو دُرودپاک پڑھیے اللہ پاک  کی آپ پر رحمت ہوجائے گی ، کیونکہ ہزاروں مصیبتوں اور پریشانیوں کے لیے صرف ایک بار درو د پڑھنا کافی ہے ۔

صَلُّوا عَلَی الْحَبیب!                                                                                               صَلَّی اللّٰہُ عَلٰی مُحَمَّد

بَیان سُننے کی نیّتیں

پیارے اسلامی بھائیو!ِ فَرمانِ مُصْطَفٰے  صَلَّی اللّٰہُ عَلَیْہِ وَاٰلِہٖ وَسَلَّم ’’نِـيَّةُ الْمُؤْمِنِ خَـیـْرٌ مِّـنْ عَمَلِهٖ‘‘مُسَلمان کی نِیَّت اُس کے عَمَل سے بہتر ہے۔ ^([3]) لہذا جتنی اچھی نیتیں زیادہ ہوں گی اتنا ثواب بھی زیادہ ملےگا۔ ثَوَاب  حاصل کرنےکی خَاطِر بَیان سُننےسے پہلے اَچّھی اَچّھی نیّتیں کر لیتے ہیں۔