Book Name:Ghous e Aazam As A Mufti e Aazam
اللّٰہ کی رحمت غوثِ پاک ہیں باعث ِ برکت غوثِ پاک
ہیں صاحبِ عزّت غوثِ پاک ہیں بحرِ سخاوت غوثِ پاک
دریائے کرامت غوثِ پاک فرماؤ حِمَایَت غوثِ پاک
ٹل جائے مصیبت غوثِ پاک سر تا پا شرافت غوثِ پاک
صَلُّوا عَلَي الْحَبيب! صَلَّي اللّٰه عَلٰي مُحَمَّد
فتوائن جي ڪثرت ۽ جواب ۾ جلدي
سُبْحٰنَ الله! اي عاشقانِ غوثِ اعظم! ڏٺو اوهان! اسان جي غوث پاڪ رَحْمَةُ اللهِ عَلَيۡه طلاق جو مسئلو ڪيئن جلدي حل فرمائي ڇڏيو جو ان جو قسم به پورو ٿي ويو ۽ گھرواريء کي طلاق به ڪانه ٿي۔ حُضُور غوثِ پاڪ رَحْمَةُ اللهِ عَلَيۡه کي فتويٰ نويسي ۾ اهو ڪمال حاصِل هو جو ان دور جا وڏا وڏا عالم، فقيہ ۽ مفتي سڳورا به سندن لَاجواب فتاويٰ کان حيران ٿي ويندا هئا۔ فتويٰ نويسي جي تيزي جو عالَم اهو هو جو ڪڏهن به ڪا فتويٰ پاڻ وٽ هڪ رات به نه رکيائون۔ سندن فَقَاھَت جو عالَم اهو هو جو ڪڏهن پاڻ کي فتويٰ ڏيڻ ۾ غوروفِڪر ڪرڻ جي ضَرورت پيش ڪانه آئي، پاڻ سوال پڙھندي ئي ان جو جواب لکڻ شروع ڪري ڏيندا هئا۔ عراق جا عالم سڳورا سندن فتاويٰ جي دُرُست هئڻ ۽ جواب جي تيزي تي بيحد حيران ٿيندا ۽ تمام گھڻو ساراھيندا هئا۔ (سیرتِ غوث اعظم، عالم فقری، ص85) دنيا جي ڪنڊ ڪڙڇ مان پاڻ رَحْمَةُ اللهِ عَلَيۡه وٽ فتاوي ايندا هئا جن جا جواب يڪدم ۽ بالڪل صحيح عَطا فرمائيندا هئا۔ (اخبارالاخیار فارسی ص17، تحفہ قادریہ ص86)
علاَّمه عبدالوَهاب شَعراني رَحْمَةُ اللهِ عَلَيۡه فرمائن ٿا: عراق جي عالمن اڳيان غوث پاڪ جا فتاويٰ پيش ٿيندا هئا ته اهي سندن علمي قابليت تي تمام گهڻو حيران ٿيندا هئا ۽ انهن جي زبانن تي بي اختيار جاري ٿي ويندو هو ته اها ذات پاڪ آهي جنهن سندس کي اهڙي علمي نِعمَت سان نوازيو آهي۔ (طبقاتِ کبری، عربی ج1،ص127)