کرم پر ہوگی۔ (کنز العمال ، کتاب الاذکار ، الباب السادس فی الصلاۃ علیہ ، الجزء الاول ، ۱ / ۲۵۵ ، حدیث : ۲۲۳۶)

صَلُّوْا عَلَی الْحَبِیْب!                                                                صَلَّی اللّٰہُ عَلٰی مُحَمّد

پیارے پیارے اسلامی بھائیو! آئیے!اللہ پاک کی رضا پانے اور ثواب کمانے کے لئے اَچّھی اَچّھی نیّتیں کر لیتے ہیں۔ فرمانِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ ’’نِـيَّةُ الْمُؤمِنِ خَـیـْرٌ مِّـنْ عَمَلِهٖ‘‘مُسَلمان کی نِیَّت اُس کے عَمَل سے بہتر ہے۔ ^([1])

اہم نکتہ : نیک اورجائز کام میں جِتنی اَچّھی نیّتیں زِیادَہ ، اُتنا ثواب بھی زِیادَہ۔

بَیان سُننے کی نیّتیں

               *نگاہیں نیچی کئے توجہ سے بیان سُنوں گا۔ *عِلْمِ دین کی تعظیم کے لیے جب تک ہو سکا دو زانو بیٹھوں گا۔ *صَلُّوْا عَلَی الْحَبِیْبِ ، اُذْکُرُوا اللّٰـہ ، تُوبُوْا اِلَی اللّٰـہ وغیرہ سُن  کر ثواب کمانے کےلئے بلند آواز سے جواب دوں گا۔ *اجتماع کے بعد خود آگے بڑھ کر سلام و مُصافحہ اور انفرادی کوشش کروں گا ۔

صَلُّوْا عَلَی الْحَبِیْب!                                                 صَلَّی اللّٰہُ عَلٰی مُحَمّد

روزی کا وسیلہ :

                             منقول ہے : مسجِدُالحَرام شریف (مکے شریف)میں ایک عبادت گزارشخص رات بھر عبادت میں مشغول رہا کرتا ، دن کو روزہ رکھتا ، روزانہ شام کو ایک شخص اسے 2 روٹیاں دے جاتا ، وہ اُس سے اِفطار کر لیتا اور پھر دوسرے دن تک کیلئے عبادت میں مشغول  ہوجاتا۔ ایک روز اس کے دل میں خیال آیا کہ یہ کیسا توکُّل ہے کہ میں تو ایک انسان کی دی ہوئی روٹی پربھروساکرکے بیٹھاہوں!اور مخلوق کے رزّاق پر