حضرت موسیٰ عَلَی نَبِیِّنَا وَعَلَیْہِ الصَّلٰوۃُ وَالسَّلَام کوفرعون کی طرف بھیجا۔(پ۱۵،طہ:۴۴)حضرت موسیٰ عَلَی نَبِیِّنَا وَعَلَیْہِ الصَّلٰوۃُ وَالسَّلَام دینِ حق کی دعوت دینے فرعون کےمحل(Palace) پہنچے،وہاں وہ اپنی قوم کےکچھ سرداروں کےساتھ موجود تھا۔(خازن، ۳/۳۸۵ ملخصاً)حضرت سیدنا موسیٰ عَلَی نَبِیِّنَا وَعَلَیْہِ الصَّلٰوۃُ وَالسَّلَام نےکہا:اللہ  پاک نے مجھے رسول بنا کر بھیجا ہے اورمیں تمہارے پاس اس کا پیغام لے کر آیا ہوں۔(خازن،۲/۱۲۴)فرعون نےکہا:میں تو خود ہی خدا ہوں اور یہ بھی یاد رکھو!اگر تم نے انکار کیا تو میں تمہیں قیدکردوں گا۔(پ۱۹،الشعراء:۲۹ مفہوماً)جب فرعون نے حضرت سیدنا موسیٰ عَلَی نَبِیِّنَا وَعَلَیْہِ الصَّلٰوۃُ وَالسَّلَام کی باتیں ماننے سے انکار کردیا  اور انہیں قید کرنےکی دھمکی دی تو حضرت سیدنا موسیٰ عَلَی نَبِیِّنَا وَعَلَیْہِ الصَّلٰوۃُ وَالسَّلَام نے فرعون سے کہا:مجھے میرے ربِّ کریم نے معجزات عطا فرمائے ہیں،فرعون نےکہا:ہمیں بھی دکھاؤ وہ معجزات کیا ہیں؟حضرت موسیٰ عَلَی نَبِیِّنَا وَعَلَیْہِ الصَّلٰوۃُ وَالسَّلَام نے اپنی لاٹھی زمین پرپھینکی تو وہ بہت بڑا اژدہا بن گئی اور جب حضرت سیدنا موسیٰ عَلَی نَبِیِّنَا وَعَلَیْہِ الصَّلٰوۃُ وَالسَّلَام نے اژدہے کو پکڑا تو وہ دوبارہ لاٹھی بن گئی،فرعون نے کہا:اور بھی کچھ لائے ہو ؟تو آپ نے  اپنے ہاتھ کو گریبان میں ڈال کر نکالا تو ہاتھ سورج کی طرح چمکنے لگا۔(پ۱۹، الشعراء:۲۹تا ۳۳ملخصاً)

          حضرت سَیّدُنا موسیٰ عَلَی نَبِیِّنَا وَعَلَیْہِ الصَّلٰوۃُ وَالسَّلَام جب اپنے معجزے دکھا چکے تو فرعون نے سرداروں سے کہا:یہ تو جادو گر ہے  اور اپنے جادو کے زور پر تم سے تمہارا ملک چھیننا چاہتا ہے ،مشورہ دو کہ اب کیا کریں؟ (پ۱۹، الشعراء:۳۴تا۳۵ ملخصاً)سرداروں نے اسے شہروں سے جادوگروں کو بُلانے کا مشورہ دیا ،جب تمام  جادوگر جمع ہوگئے  تو  لوگوں میں  میلے کا اعلان کردیا گیا اور اعلان کردیا گیا  کہ سب لوگ میلے والے دن جمع ہوجائیں۔(پ۱۹،الشعراء:۳۶تا۳۹ملخصاً)جب میلے والے دن  سب ایک جگہ جمع ہوگئےاور مقابلہ ہوا تو جادوگروں نے حضرت سیدنا موسیٰ عَلَی نَبِیِّنَا وَعَلَیْہِ الصَّلٰوۃُ وَالسَّلَام کے