نصیب ہو جائے۔  آمِیْن بِجَاہِ النَّبِیِّ الْاَمِیْنْ صَلَّی اللّٰہُ عَلَیْہِ واٰلِہٖ وَسَلَّمَ 

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمَّد

دعوتِ اسلامی کے اشاعتی ادارےمکتبۃ المدینہ کی کتاب”جلد بازی کے نقصانات“کے صفحہ نمبر27پر ایک سبق آموز حدیثِ پاک لکھی ہے ، آئیے!سنتے ہیں ، چنانچہ

دوبار نَماز پڑھوائی

حضرت ابوہریرہ رَضِیَ اللہُ عَنْہُ سے روایت ہے ، ایک شخص مسجد میں آیا ، حضور رحمتِ عالَم ، نورِ مجسّم صَلَّی اللہُ عَلَیْہِ وَاٰلِہٖ وَسَلَّم مسجد کے ایک کونے میں جلوہ گَر تھے ، اس شخص نے نَماز پڑھی اور حضور صَلَّی اللہُ عَلَیْہِ وَاٰلِہٖ وَسَلَّم کو سلام کیا ، اس سے نبیِّ کریم صَلَّی اللہُ عَلَیْہِ وَاٰلِہٖ وَسَلَّم نے فرمایا : وَعَلَیْکَ السَّلَام لَوٹ جاؤ نَماز پڑھو تم نے نَماز نہیں پڑھی۔ وہ لَوٹ گیا نَماز پڑھی پھر آیا سلام کیا ، آپ صَلَّی اللہُ عَلَیْہِ وَاٰلِہٖ وَسَلَّم نے فرمایا : وَعَلَیْکَ السَّلَام لوٹ جاؤ نَماز پڑھو تم نے نَماز نہیں پڑھی۔ اس نے تیسری بار یا اس کے بھی بعد عَرض کی : یارسول اﷲ صَلَّی اللہُ عَلَیْہِ وَاٰلِہٖ وَسَلَّم! مجھے سکھادیجئے ، آپ صَلَّی اللہُ عَلَیْہِ وَاٰلِہٖ وَسَلَّم نے فرمایا : جب تم نَماز کی طرف اٹھو تو وُضو پورا کرو پھر کعبے کو منہ کرو ، پھر تکبیر کہو ، پھر جس قدر قرآن آسان ہو پڑھ لو پھر رُکوع کرو حتّٰی کہ رُکوع میں مطمئن ہوجاؤ ، پھر اُٹھو حتّٰی کہ سیدھے کھڑے ہوجاؤ ، پھر سجدہ کرو حتّٰی کہ سجدے میں مطمئن ہوجاؤ ، پھر اٹھو حتّٰی کہ اِطمینان سے بیٹھ جاؤ ، پھر سجدہ کرو حتّٰی کہ سجدے میں مطمئن ہوجاؤ ، پھر اُٹھو حتّٰی کہ اِطمینان سے بیٹھ جاؤ پھر اپنی ساری نَماز میں یہی کرو۔

 (بخاری ، کتاب الاستئذان ،  باب من رد فقال :  علیک السلام ،  ۴ / ۲۷۱ ، حدیث : ۶۲۵۱)

ایسا کرم ہو نیکیوں میں دل لگا کرے                               پڑھتا ہوں گر نماز بھی تو بے دِلی کے ساتھ