کریم صَلَّی اللّٰہُ عَلَیْہِ واٰلِہٖ وَسَلَّمَ  کی  گلی کی  ہر ہرچیزعُمدہ ہے ۔ (بہارِمثنوی ،۱۲۸ماخوذاً)

                صَلُّوْا عَلَی الْحَبیب!                                    صَلَّی اللّٰہُ عَلٰی مُحَمَّد

                پیارےپیارےاسلامی بھائیو!مدینے جانے والوں کی قسمت پر قربان!ان  کا مُقَدَّر بلندی پر ہوتا ہے،اُن کےنصیب چمک رہے ہوتے ہیں،وہ سعادتوں کی معراج کو پہنچ جاتے ہیں، اُن کی خوشی دیکھنے والی ہوتی ہے،اُن پررحمتِ الٰہی کی چھماچھم بارشیں برستی ہیں،اورایسا کیوں نہ ہو کہ روضَۂ اَنور کی زیارت کا جام پینے والے خوش نصیبوں کو تو رسولِ کریم صَلَّی اللّٰہُ  عَلَیْہِ واٰلِہٖ وَسَلَّمَ نے اپنی سچی  زبان سے شفاعت کا پروانہ عطا فرمایا ہے ،چنانچہ

شفاعت واجب ہوجاتی ہے

       پیارے رسول صَلَّی اللّٰہُ  عَلَیْہِ واٰلِہٖ وَسَلَّمَنے ارشادفرمایا:مَنْ زَارَقَبْرِیْ وَجَبَتْ لَہٗ شَفَاعَتِیْ یعنی جس نےمیری قَبْرکی زیارت کی اُس کےلئےمیری شفاعت واجب ہوگئی۔(دارقطنی،کتا ب الحج،۲/ ۳۵۱، حدیث: ۲۶۶۹)

       سُبْحٰنَ اللہ!ذراسوچئے تو سہی!وہ  کیساعظمتوں اور برکتوں والامقام ہے جس کی زیارت کریں تو شفاعت کی خیرات ملے،وہاں رہیں  تو برکتیں عطا ہوں اور اگر وہیں دم نکل جائے تو شفاعت  کے حق داربن جائیں۔

صَلُّوْا عَلَی الْحَبِیْب!                                   صَلَّی اللّٰہُ عَلٰی مُحَمَّد

اے عاشقانِ رسول!اللہ کریم نے شہرِ مدینہ کو بے شمار خُصوصیات سے نوازا ہے۔آئیے! بَرَکت حاصل کرنے کے لئے مدینے شریف کی چند خُصوصیات کے بارے میں سُنتے ہیں اور اپنے دل میں اس پاکیزہ شہر کی عظمت مزید بڑھانے کا سامان کرتے ہیں،چنانچہ