اسی طرح قبلہ کی تبدیلی سے ایک بات یہ بھی معلوم ہوئی  کہ اللہ پاک  کو اپنے حبیب، دُکھیا دلوں کے طبیب صَلَّی اللہُ عَلَیْہِ وَاٰلِہٖ وَسَلَّمَکی رضا بہت پسند ہے اور اللہ پاک اپنے حبیب عَلَیْہِ الصَّلٰوۃُ وَالسَّلَام کی چاہتوں کو پورا فرماتا ہے۔ امام فخر الدین رازی رَحْمَۃُ اللہِ عَلَیْہِ فرماتے ہیں:بے شک اللہ پاک نے اپنے حبیب صَلَّی اللہُ عَلَیْہِ وَاٰلِہٖ وَسَلَّمَکی وجہ سے قبلہ تبدیل فرما یا اور اس آیت میں یوں نہیں فرمایا کہ ہم تمہیں اس قبلہ کی طرف پھیر دیں گے جس میں میری رضا ہے بلکہ یوں ارشاد فرمایا:فَلَنُوَ لِّیَنَّکَ قِبْلَۃً تَرْضٰىہَا ترجمۂ کنزُالعِرفان:تو ضرور ہم تمہیں اس قبلہ کی طرف پھیردیں گے جس میں تمہاری خوشی ہے۔توگویا کہ ارشاد فرمایا: اے حبیب! صَلَّی اللہُ عَلَیْہِ وَاٰلِہٖ وَسَلَّمَ، ہر کوئی میری رضا کا طلبگار ہے اور میں دونوں جہاں میں تیری رضا چاہتا ہوں۔(تفسیرکبیر، البقرۃ، تحت الآیۃ: ۱۴۳، ۲/۸۲)

            سرکارِ اعلیٰ حضرت، امامِ اہلسنت رَحْمَۃُ اللہِ عَلَیْہ کیا خوب فرماتے ہیں:

زَہے عزّت و اِعْتِلائے محمد                                 کہ ہے عرشِ حَق زیرِ پائے محمد

مَکاں عرش اُن کا فَلَک فَرْش اُن کا                       مَلَک خادمانِ سَرائے محمد

خُدا اُن کو کس پیار سے دیکھتا ہے                         جو آنکھیں ہیں مَحوِ لِقائے محمد

دَمِ نَزع جاری ہو میری زَباں پر                          محمد محمد خدائے محمد

عَصائے کلیم اژدہائے غَضَب تھا                          گِروں کا سَہارا عَصائے محمد

خُدا کی رضا چاہتے ہیں دوعالَم                               خُدا چاہتا ہے رضائے محمد

(حدائقِ بخشش، ص،۶۵،۶۶)

مختصر وضاحت: واہ واہ ! کیا بات ہے، اللہ پاک نے کیسا بلند مقام عطا فرمایا ہے کہ عرشِ الٰہی اپنی تمام بلندیوں کے باوجود رسولِ پاک، صاحبِ معراج صَلَّی اللّٰہُ عَلَیْہِ واٰلِہٖ وَسَلَّمَ کے پاؤں تلے ہے۔  ہمارے آقا،