غیبی ہدایت

        حضرت مِسعَر بن کِدامرَحْمَۃُ اللّٰہ ِعَلَیْہ فرماتے ہیں : ایک روز ہم امامِ اعظم حضرت ابو حنیفہ نعمان بن ثابت رَحْمَۃُ اللّٰہ ِعَلَیْہ کے ساتھ کہیں جارہےتھےکہ بےخیالی میں  امامِ اعظمرَحْمَۃُ اللّٰہ ِعَلَیْہکامُبارَک پاؤں ایک لڑکے کےپیر پرپڑگیا، لڑکے کی چیخ نکل گئی اوراُس کے مُنہ سے بے ساختَہ( یہ جملہ )نکلا: یَا شَیْخ!اَلَاتَخَافُ الْقِصَاصَ یَوْمَ الْقِیَامَۃِ!  جناب ! کیا آپ قِیامت کے روز لئے جانے والے انتِقام  (Revenge)سے نہیں ڈرتے ؟ یہ سُننا تھا کہ  امام اعظم  رَحْمَۃُ اللّٰہ ِعَلَیْہ پرلرزہ طاری ہوگیا اورآپرَحْمَۃُ اللّٰہ ِعَلَیْہغش کھا کر زمین پرتشریف لے آئے، کچھ دیر کے بعد جب ہوش آیا توحضرت مسعر بن کدام رَحْمَۃُ اللّٰہ ِعَلَیْہ نے عرض کی کہ ایک لڑکے کی بات سےآپرَحْمَۃُ اللّٰہ ِعَلَیْہ اس قَدَر کیوں گھبرا گئے؟ ارشاد فرمایا:کیا معلوم اُس کی آواز غیبی ہِدایت ہو۔(اَ لْمَناقِب  لِلْمُوَفَّق ،الجز ء الثانی ،ص۱۴۸)

ہو نائبِ سَرْوَرِ دو عالَم، امامِ اعظم ابوحنیفہ

سِراجِ اُمّت فقیہِ اَفْخَم، امامِ اعظم ابوحنیفہ

جو بے مثال آپکا ہے تَقْوٰی، تو بے مثال آپکا ہے فَتْوٰی

ہیں علم و تَقْوٰی کے آپ سَنْگَم، امامِ اعظم ابوحنیفہ

عَطا ہو خَوفِ خُدا خُدارا! دو اُلْفَتِ مُصْطَفٰے خُدارا

کروں عمل سنَّتُوں پہ ہر دَم، امامِ اعظم ابوحنیفہ

(وسائلِ بخشش مرمّم، ص۵۷۳)

صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد