اَقْصیٰ کی شوکت         مرحبا                   نبیوں کی اِمامت        مرحبا

آقا کی رِفْعت            مرحبا                    آسماں کی سِیاحت       مرحبا

مکینِ لامکاں کی عظمت    مرحبا               چشمانِ نبوت          مرحبا

صَلُّوْا عَلَی الْحَبِیْب!                                        صَلَّی اللّٰہُ عَلٰی مُحَمَّد

پیارے پیارےاسلامی بھائیو! رسولِ کریم صَلَّی اللّٰہُ عَلَیْہِ واٰلِہٖ وَسَلَّمَ نےصبح  جب قریش کے سامنے معراج کےواقعے کو بیان کیا تو وہ بہت حیران ہوئے اور آپ صَلَّی اللّٰہُ عَلَیْہِ واٰلِہٖ وَسَلَّمَ کومَعَاذَ اللہ جُھوٹا  ثابت کرنے کیلئےامتحان کے طور پرسوالات شروع کردئیے۔

حکیم الاُمّت حضرت مُفتی احمد یار خان نعیمیرَحْمَۃُ اللّٰہ ِ عَلَیْہ   فرماتے ہیں:وہ سُوالات بھی فُضُول تھے ۔مثلاً یہ کہ بَیْتُ الْمَقْدِس میں سُتُون(Pillar)  کتنے ہیں؟، سِیْڑھیاں(Stairs) کتنی ہیں؟،مِنْبَر کِس طرف ہے؟۔ ظاہِر ہے کہ یہ چیزیں تو بار بار دیکھنے پر بھی یاد نہیں رہتیں تو ایک بار دیکھنے پر یاد کیسے رہتیں۔قریش کے چند لوگوں نے کہا :عَرْش و کُرسِی کی باتیں جو آپ بیان کررہے ہیں ،اُن کی تو ہم کو خَبَر نہیں،بَیْتُ الْمَقْدِس ہم نے دیکھا ہوا ہے،لہٰذا وہاں کی نِشانیاں ہمیں بتائیں۔^([1]) (لہٰذا جب بَیْتُ الْمَقْدِسکی کَیْـفِـیَّت پوچھی گئی تو)نبیِّ کرىم صَلَّی اللّٰہُ  عَلَیْہِ واٰلِہٖ وَسَلَّمَ کو کچھ تَرَدُّد ہوا کىونکہ اگرچہ آپ صَلَّی اللّٰہُ عَلَیْہِ واٰلِہٖ وَسَلَّمَ بَیْتُ الْمَقْدِس مىں داخِل ہوئے تھے لىکن آپ صَلَّی اللّٰہُ  عَلَیْہِ واٰلِہٖ وَسَلَّمَ نے اس کى کَیْـفِـیَّت کے متعلق  گہرى نظر نہىں فرمائى تھى اور پھر وہ رات بھى تارىک یعنی (اندھیری) تھى۔اللہ پاک نے حضرت جبرىلِ امىن عَلَیْہِ السَّلَام کو حکم فرماىا تو اُنہوں نے اپنے پَروں (Wings)پر بَیْتُ الْمَقْدِس کو اُٹھالِىااور مکے شریف مىں حضرت سیدنا عَقِىْل رَضِیَ اللّٰہُ  عَنْہُ  کے گھر کے پاس رکھ دِىا،آپ صَلَّی اللّٰہُ  عَلَیْہِ