حضرتِ امام جعفر صادق رَحْمَةُ اللهِ عَلَيۡه

    حضرتِ سيدُنا امام جعفر صادِق رَحْمَةُ اللهِ تَعَالٰی عَلَيْه جي وِلادت17 ربيع النّور 83 ھ سومر شريف جي ڏينهن مدينة المنوره ۾ ٿي۔ حضرت امام جعفر صادق رَحْمَةُ اللهِ تَعَالٰی عَلَيْه جي ڪنيت ابوعبدالله ۽ ابواسماعيل جڏهن ته لقب صادق، فاضل ۽ طاهر آهي۔ حضرت امام جعفر صادق رَحْمَةُ اللهِ تَعَالٰی عَلَيْه حضرتِ سيدُنا امام محمد باقر رَحْمَةُ اللهِ تَعَالٰی عَلَيْه جا وڏا صاحبزاد آهن۔ حضرت امام جعفر صادق رَحْمَةُ اللهِ تَعَالٰی عَلَيْه ظاهري ۽ باطني علوم جا جامع هئا ۽ رياضت ۽ عبادت ۽ مجاهدي ۾ مشهور هئا۔ مالڪين جا عظيم پيشوا حضرت سَيدُنا امام مالڪ رَحْمَةُ اللهِ تَعَالٰی عَلَيْه فرمائن ٿا: مان هڪ زماني تائين حضرت امام جعفر صادق رَحْمَةُ اللهِ تَعَالٰی عَلَيْه جي خدمتِ با برڪت ۾ ايندو رهيس۔ مون هميشه پاڻ کي ٽن عبادتن مان ڪنهن هڪ ۾ مصروف ڏٺو، يا ته پاڻ نماز پڙھندي نظر ايندا هئا يا تلاوتِ قرآن ۾ مشغول يا وري روزيدار هوندا هئا۔ (شرح شجره قادريه ،ص۵۸ بتغير قليل ) حضرت امام جعفر صادق رَحْمَةُ اللهِ تَعَالٰی عَلَيْه ماڻهن کي ايتري قدر کارائيندا هئا جو اهلِ خانه جي لاءِ به ڪجھ باقي نه بچندو هو۔ (الله والوں ڪي باتيں، ۳/۲۸۰) حضرت امام جعفر صادق رَحْمَةُ اللهِ تَعَالٰی عَلَيْه فرمائن ٿا: الله پاڪ دنيا کي حڪم اِرشاد فرمايو آهي: اي دُنيا! جيڪو منهنجي عبادت ڪري تون ان جي خدمت ڪر ۽ جيڪو تنهنجي خدمت ڪري تون ان کي ٿڪائي ڇڏ۔ (الله والوں ڪي باتيں، ۳/۲۸۰) حضرت امام جعفر صادق رَحْمَةُ اللهِ تَعَالٰی عَلَيْه کي 68 سالن جي عمر ۾ 15 رجب المرجب 148ھ جو ڪنهن بدنصيب زهر ڏنو جيڪو سندن جي شهادت جو سبب بڻيو۔ حضرت امام جعفر صادق رَحْمَةُ اللهِ تَعَالٰی عَلَيْه جو مزارِ اقدس جنت البقيع والدِ محترم حضرت سَيدُنا امام محمد باقر رَحْمَةُ اللهِ تَعَالٰی عَلَيْه جي پهلو ۾ آهي۔ (شرح شجره قادريه ،ص۵۸) الله پاڪ جي انهن تي رحمت ٿئي ۽ انهن جي صدقي اسان جي مغفرت ٿئي۔

بنا دے مجھے نیک نیکوں کا صَدقہ

گُناہوں سے ہر دَم بچا یاالٰہی!

(وسائلِ بخشش مرمّم، ص۱۰۵)

صَلُّو ْا عَلَي الْحَبِيب!                                                                                     صَلَّي الله عَلٰي مُحَمَّد