Book Name:Akhirat Ki Tyari Ka Andaz Kasay Ho
ہم کو بِد کر وہی کرنا جس سے دوست بیزار ہے کیا ہونا ہے
چھپ کے لوگوں سے کئے جس کے گناہ وہ خبردار ہے کیا ہونا ہے
ارے او مجرمِ بے پروا دیکھ سر پہ تلوار ہے کیا ہونا ہے
کام زنداں کے کئے اور ہمیں شوقِ گلزار ہے کیا ہونا ہے
بیچ میں آگ کا دریا حائل قصد اس پار ہے کیا ہونا ہے
واں نہیں بات بنانے کی مجال چارہ اقرار ہے کیا ہوناہے
(حدائقِ بخشش،ص۱۶۶ تا ۱۶۹)
صَلُّو ْا عَلَی الْحَبِیْب! صَلَّی اللہُ عَلٰی مُحَمَّد
پیاری پیاری ا سلامی بہنو! بطورِ مسلمان جب ہمیں یقین ہے کہ آخرت نے قائم ہونا ہے تو ہمیں اس کی تیاری کے بھی کچھ نہ کچھ کام کرنے چاہئیں، ایک مسلمان کی آخرت کی تیاری کا انداز کیسا ہونا چاہیے اور ایک بندہ کس طرح ہمیشہ اپنی آخرت کو یاد رکھ سکتا ہے آئیے اس کے دو طریقے سنتی ہیں۔
پیاری پیاری ا سلامی بہنو! آخرت کی تیاری کرنے کے لیے موت کی یاد بہت ضروری ہے کیونکہ موت آخرت کی پہلی سیڑھی ہےاور موت آخرت کا اوَّلِیْن مرحلہ ہے۔ موت کو کثرت سے یاد کرنا گویا آخرت کے تمام مراحل کو یاد کرنا ہے۔ اللہ والے پوری زندگی فکرِ آخرت میں گزار دیتے تھےاس لیے کہ وہ کثرت سے موت کو یادکرتے تھے اور انہیں موت زندگی سے زیادہ عزیز ہوتی تھی۔
مکتبۃ المدینہ کی کتاب ”احیاء العلوم مترجم“ جلد 5 صفحہ 476 پر ہے کہ جب حضرت سَیِّدُناحذیفہ