پیاری پیاری ا سلامی بہنو!اس میں کوئی شک نہیں کہ ہر چیز میں کوئی نہ کوئی مقصد پایا جاتا ہے، ہمارے پہننے کے کپڑے ہوں، لکھنے کے لیے قلم ہو، رہنے کے لیے گھر ہوں، ہاتھ میں باندھی ہوئی گھڑی ہو،  سب کا کچھ نہ کچھ مقصد ہے، اور ہر ایک شے اپنے مقصد کی تکمیل کا سبب بن رہی ہے، ذرا سوچئے!جب کائنات کی ہر شے اپنے اندر کوئی نہ کوئی مقصد رکھتی ہے تو کیا انسان بے مقصد پیدا کیا گیا ہے؟ کیا اس اشرف المخلوقات کے بنائے جانے کا کوئی مقصد نہیں؟ کیا حضرت انسان کی پیدائش(Birth) بلاوجہ اور بلا مقصد ہے؟نہیں !ہرگز نہیں! انسان کو اس دنیا میں بیکا رنہیں پید ا کیا گیا،چنانچہ پارہ18سورۃُ المُؤمِنُون آیت نمبر115میں ارشاد ہوتا ہے:

اَفَحَسِبْتُمْ اَنَّمَا خَلَقْنٰكُمْ عَبَثًا وَّ اَنَّكُمْ اِلَیْنَا لَا تُرْجَعُوْنَ(۱۱۵) (پ:۱۸،المؤمنون:۱۱۵)                                              

ترجَمَۂ کنزُالایمان:تو کیا یہ سمجھتے ہو کہ ہم نے تمہیں بیکار بنایا اور تمہیں ہماری طرف پھرنا نہیں

      پیاری پیاری ا سلامی بہنو! غور کیجئے! قرآنِ پاک کی اس آیتِ کریمہ سے معلوم ہو رہا ہے کہ کوئی خاص مقصد ہے جس کےلیے انسان کو پیدا کیا گیا ہے، اس مقصد کی رہنمائی کرتے ہوئے پارہ 27، سُورۃُ الذّٰریٰت آیت 56 میں اِرْشادہوتا ہے:

وَ مَا خَلَقْتُ الْجِنَّ وَ الْاِنْسَ اِلَّا لِیَعْبُدُوْنِ(۵۶) (پ۲۷، الذّرِیٰت:۵۶)                                                                                         

ترجمۂ کنز الایمان:اور میں نے جِن اور آدمی اتنے ہی (اسی)لئے بنائے کہ میری بندگی کریں۔

       اس آیت سے معلوم ہوا کہ انسانوں  اور جِنّوں  کو بیکار پیدا نہیں  کیا گیا بلکہ ان کی پیدائش کا اصل