میرے ہاتھ پر توبہ کی۔^([1])

صَلُّوْا عَلَی الْحَبِیْب!                                                                                                صَلَّی اللّٰہُ تَعَالٰی عَلٰی مُحَمَّد

دِلوایئے جنّت                      غوثِ پاک                         دو بدیوں سے نفرت             غوثِ پاک

دوشوقِ عبادت                     غوثِ پاک                         سرکار کی اُلفت                    غوثِ پاک

٭مرحبا یا غوثِ پاک٭مرحبا یا غوثِ پاک٭مرحبا یا غوثِ پاک

       میٹھے میٹھے اسلامی بھائیو!بیان کردہ حکایت سے پتا چلا!سرکارِ بغداد،حُضُور غوثِ پاک  رَحْمَۃُ اللہِ عَلَیْہ   کو عِلْمِ دین حاصل کرنے کا اِس قدر شوق تھا کہ اِس کی خاطر آپرَحْمَۃُ اللّٰہ ِ عَلَیْہ  نے نہ صرف گھر بار کو چھوڑ کر دُور دراز کا سفر اختیار فرمایا بلکہ اپنی مہربان والدہ رَحْمَۃُ اللّٰہ ِ عَلَیْہا  کی جُدائی بھی برداشت فرمالی۔آپ رَحْمَۃُ اللّٰہ ِ عَلَیْہ کی والدہ رَحْمَۃُ اللّٰہِ عَلَیْہَا کی قربانی بھی صد مَرحباکہ نہ صرف اپنے شہزادےکی جُدائی کے غم کو نظر انداز کرتے ہوئے اُنہیں عِلْمِ دین حاصل کرنے کہ اجازت عطا فرمادی بلکہ اپنے شہزادے کو  حُصولِ علم اور خدمتِ علم کے لئے ایسا وقف کِیا کہ سفر پر رُخصت کرتے ہوئے واضح طور پر فرما دیا :یَا وَلَدِیْ اِذْہَبْ  فَقَدْ خَرَجْتُ عَنْکَ لِلّٰہِ فَہٰذَا وَجْہٌ لَااَرَاہُ اِلٰی یَوْمِ الْقِیَامَۃِ یعنی اے میرے پیارے بیٹے جاؤ! میں اللہ پاک کی رضا کے لئے تم سے جُدائی اختیار کرتی ہوں ،لہٰذا اب قیامت تک تمہارا یہ چہرہ نہ دیکھوں گی۔

               غوثِ پاک،شہنشاہِ بغداد رَحْمَۃُ اللہِ عَلَیْہ کی والدۂ ماجدہ رَحْمَۃُ اللّٰہ ِ عَلَیْہا نے غوثِ پاک رَحْمَۃُ اللّٰہ ِ عَلَیْہ  کونہ صرف سفر کی اجازت دی بلکہ خرچ بھی دِیا،یہاں وہ عاشقانِ رسول اور عاشقانِ غوثِ اعظم غورفرمائیں جو دُنیوی تعلیم اورکاروبار کے لیے تواولاد کو مال و دولت دیتے ہیں،لیکن دِینی تعلیم میں مدد نہیں کرتے۔

               اس واقعے سے یہ بھی معلوم ہوا کہ حُضُور غوثِ پاک رَحْمَۃُ اللہِ عَلَیْہ  سچّائی کے کس قدر پیکر تھے کہ آپ