گئے۔عِلْمْ حاصل کرنےکےلیے آپرَحْمَۃُ اللّٰہ ِ عَلَیْہ نے بہت سی مَشَقَّتِیں اور آزمائشیں برداشت کیں۔  آخرِ کار آپ دُنْیَوی مُعَاملات سے الگ ہو کر یادِ الٰہی اور نیکی کی دعوت دینے میں مشغول ہو گئے۔زمانے بھر میں آپ رَحْمَۃُ اللّٰہ ِ عَلَیْہ کی شہرت پھیل گئی، دِین کے  مَنصب آپ  رَحْمَۃُ اللہِ عَلَیْہ کی وجہ سے  ظاہر ہوگئے،  عِلْمْ کے دَرَجے آپ رَحْمَۃُ اللّٰہ ِ عَلَیْہ  کے سبب بُلَند ہونے لگے اور شریعت کے  لشکر آپ رَحْمَۃُ اللّٰہ ِ عَلَیْہ  کے سبب طاقت پانے لگے۔ عُلَماء کی بَہُت بڑی تعداد نے آپ  رَحْمَۃُ اللہِ عَلَیْہ کی طرف رُجُوْع کِیا اور آپ رَحْمَۃُ اللّٰہ ِ عَلَیْہ  سے شاگردی کا شَرَف حاصل کِیا،  بَہُت سے فُقَرَا، بڑے بڑے  عُلَمانے بھی آپ رَحْمَۃُ اللّٰہ ِ عَلَیْہ سے خِلَافَت حاصل کرنے کا اعزاز حاصل کِیا۔^([1])

صَلُّوْا عَلَی الْحَبِیْب!                                                                                                صَلَّی اللّٰہُ تَعَالٰی عَلٰی مُحَمَّد

 علمی مقام

          حضرت سَیِّدُناشیخ محمد بن یحییٰ تادفیرَحْمَۃُ اللّٰہ ِ عَلَیْہ فرماتے ہیں:جب آپ  رَحْمَۃُ اللہِ عَلَیْہ  نے عِلْمِ دِین حاصل کرلیا توآپ رَحْمَۃُ اللّٰہ ِ عَلَیْہ درس و تدریس اورفتویٰ دینےکے منصب پر جلوہ افروز  ہوئے۔اس کے ساتھ ساتھ لوگوں کو نیکی کی دعوت دینے اور  علم و عمل کو عام کرنے میں مصروف ہو گئے،چُنانچہ دُنیا بھر سے  عُلما آپ رَحْمَۃُ اللّٰہ ِ عَلَیْہ   کی بارگاہ میں عِلْمِ دین سیکھنے کے لئے حاضر ہوتے، اس وقت بغداد میں آپ رَحْمَۃُ اللّٰہ ِ عَلَیْہ کے مرتبے کا کوئی نہ تھا۔^([2])آپ رَحْمَۃُ اللّٰہ ِ عَلَیْہ علم کاسَمُنْدَرتھے ،آپ رَحْمَۃُ اللّٰہ ِ عَلَیْہ  کو عِلْمِ فقہ،  عِلْمِ حدیث،  عِلْمِ تفسیر،   عِلْمِ نَحْو  اور عِلْمِ ادب وغیرہ  عُلوم پر مکمل مہارت حاصل تھی ،جب آپ رَحْمَۃُ اللّٰہ ِ عَلَیْہ کو آپ رَحْمَۃُ اللّٰہ ِ عَلَیْہ کے اُستادوں  نے  عِلْمِ حدیث کی سَنَد دی تو فرمانے لگے: اے عبدُالقادر الفاظِ حدیث کی  سَنَد  تو  ہم  آپ کو دے رہیں ہیں، لیکن  حقیقت یہ ہے کہ حدیث کے معانی و مفہوم کا سمجھنا تو ہم  نے آپ ہی سے سیکھا