محنت اس کے ساتھ  بس ایک ہفتہ سے بھی کم ہے کیونکہ اِس طالبِ علم کا انتقال ہوجائے گا۔

          حضرت سَیِّدُنا احمد بن مُبارَک رَحْمَۃُ اللّٰہ ِ عَلَیْہ  فرماتے ہیں: اُس دن سے ہم نے اُس طالبِ علم کے دن گننا شُروع کردئیے اور جب ایک ہفتہ پورا ہونے کو آیا تو آخری دن واقعی اُس کا انتقال ہو گیا۔^([1])

                                                                                                                                         صَلُّوْا عَلَی الْحَبِیْب!                                                                                                                       صَلَّی اللّٰہُ تَعَالٰی عَلٰی مُحَمَّد

فتوی نویسی کے بادشاہ

       میٹھے میٹھے اسلامی بھائیو!یوں تو حُضُورغوثِ پاکرَحْمَۃُ اللہِ عَلَیْہ درس وتدریس، تصنیف وتالیف ،تحریر،نیکی کی دعوت اور اس کے علاوہ مختلف علمی شعبوں میں انتہائی مہارت رکھتے تھے، مگر خاص طور پر فتویٰ لکھنے میں تو آپ رَحْمَۃُ اللّٰہ ِ عَلَیْہ    کو وہ کمال حاصل تھا کہ اُس دور کے بڑے بڑے عُلماء، فقہاء اور مفتیانِ کرام رَحْمَۃُ اللّٰہ ِ عَلَیْہم اجمعین  بھی آپ رَحْمَۃُ اللّٰہ ِ عَلَیْہ  کے لَاجواب فتووں سے حیران رہ جاتے تھے ۔جیسا کہ

          شیخ ا مام مُوَفَّقُ الدِّین بن قُدامَہ رَحْمَۃُ اللّٰہ ِ عَلَیْہ  فرماتے ہیں:ہم561ہجری میں بغداد شریف گئے تو ہم نے دیکھا کہ شیخ سَیِّد عبدُ القادر جیلانی  رَحْمَۃُ اللہِ عَلَیْہ   اُن میں سے ہیں کہ جن کو وہاں پر علم وعمل اور فتویٰ لکھنے کی بادشاہت دی گئی ہے۔^([2])آپ رَحْمَۃُ اللّٰہ ِ عَلَیْہ      کی عِلمی مہارت کا یہ عالم تھا کہ  اگرآپ رَحْمَۃُ اللّٰہ ِ عَلَیْہ  سے اِنتہائی مشکل مسائل بھی پوچھے جاتےتو آپ رَحْمَۃُ اللّٰہ ِ عَلَیْہ    اُن مسائل کا نہایت آسان جواب دیتے،آپ رَحْمَۃُ اللّٰہ ِ عَلَیْہ   نے درس و تدریس اور فتویٰ لکھنے میں تقریباً (33)سال دینِ متین کی خدمت سرانجام دی ،اس دوران جب آپ رَحْمَۃُ اللّٰہ ِ عَلَیْہ   کے فتاویٰ علمائےعراق کے پاس   لائے جاتے تو وه آپ رَحْمَۃُ