صَلُّوْا عَلَی الْحَبِیْب!                                                                                                                                      صَلَّی اللّٰہُ تَعَالٰی عَلٰی مُحَمّد

میٹھے میٹھے اسلامی بھائیو!آئیے! اللہ پاک کی رضا پانے اورثواب کمانے کے لئے پہلے اَچّھی اَچّھی نیّتیں کر لیتے ہیں۔فَرمانِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ ’’نِیَّۃُ الْمُؤمِنِ خَیْرٌ مِّنْ عَمَلِہٖ‘‘ مُسَلمان کی نِیَّت اُس کے عمل سے بہتر ہے۔(اَلمُعجمُ الکبیر لِلطّبرانی،۶ / ۱۸۵ ،حدیث:۵۹۴۲)

مَدَنی پھول:جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں:

نگاہیں نیچی کیے خُوب کان لگاکر بَیان سُنُوں گا ٭ٹیک لگا کر بیٹھنے کے بجائے عِلْمِ دِیْن کی تعظیم کے لیےجب تک ہوسکادو زانو بیٹھوں گا٭صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والوں کی دل جُوئی کے لئے بُلند آواز سے جواب دوں گا ٭ بَیان کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی  بھائیو!اَلْحَمْدُ لِلّٰہ  ماہِ رَبِیْعُ الاۤخرجاری ہے۔یہ وہ ماہِ مبارک  ہے کہ جس کی11تاریخ،قُطبِ ربّانی،غوثِ صَمدانی،قِنْدیلِ نُورانی،شہبازِ لامکانی حضرت سَیِّدُناشیخ عبدُالقادر جیلانی رَحْمَۃُ اللہِ عَلَیْہکاعرس مبارک منایا جاتاہے،جس کوعاشقانِ غوث بڑی گیارہویں شریف بھی کہتے ہیں،اسی مُناسَبت سےآج ہم سَرزمینِ بَغْدَاد پر اپنے مَزارِ پُر اَنْوَار میں آرام فَرما ،اُس مُقَدَّس ہَسْتِی کا ذِکْرِ خَیر،بالخُصُوص  اُن کا علمی مقام سُنیں گے،جِنہیں دُنیا غَوْثِ اَعْظَم(رَحْمَۃُ اللہِ عَلَیْہ) کے لقب سے جانتی ہے۔اللہ پاک نے آپ رَحْمَۃُ اللہِ عَلَیْہکو ولایت کا وہ عظیم تاج عطا فرمایا کہ آپرَحْمَۃُ اللہِ عَلَیْہ  تمام اولیا رَحْمَۃُ اللہِ عَلَیْہم اجمعین کے سردار قرار پائے۔آئیے! سب سے پہلے حُضُور غوثِ پاک  رَحْمَۃُ اللہِ عَلَیْہ  کی عِلمی