کی مَحَبَّت ہے اور جو بَد نصیب صَحابہ(عَلَیْھِمُ الرِّضْوان)کی شان میں بے ادَبی کے ساتھ زَبان کھولے وہ دُشمنِ خُدا  و رسول ہے۔مُسلمان ایسے شخص کے پاس نہ بیٹھے۔ (سوانح کربلا، ص ۳۱)

                میٹھے میٹھے اسلامی بھائیو!ہمیں صحابَۂ کرام عَلَیْہِمُ الرِّضْوَان   کی مَحَبَّت کو دل میں بٹھاکر ان کی سیرت پرعمل کرتے ہوئے زندگی گُزارنی چاہیے اورجو لوگ صحابَۂ  کرام عَلَیْہِمُ الرِّضْوَان  کی شان میں گستاخیاں  کرتے ہیں  ان کی صُحْبتِ بد سے دُور رہناچاہیے۔صحابَۂ کرام عَلَیْہِمُ الرِّضْوَان  کی مزید شان وعظمت جاننے کیلئےدعوتِ اسلامی کے اشاعتی ادارے  مکتبۃُ المدینہ کی کتابیں   کراماتِ صحابہ اور صحابۂ  کرام کاعشقِ رسول کا مُطالعہ کیجئے۔اللہ پاک ہمیں صحابَۂ  کرام  عَلَیْہِمُ الرِّضْوَان    کی سیرت پر چلتے ہوئے زِندگی بَسر کرنے کی توفیق عطافرمائے۔ اٰمین بِجَاہِ النَّبیِّ اْلاَمِیْن صَلَّی اللّٰہُ تَعَالٰی عَلَیْہِ واٰلہٖ وسلَّم 

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

مجلس خدام المساجد

       میٹھے میٹھے اسلامی بھائیو!اَلْحَمْدُ لِلّٰہ عاشقانِ رسول کی مدنی تحریک دعوتِ اسلامی کم و بیش 104شعبہ جات میں مدنی کام کررہی ہے،انہی میں سے ایک’’مجلس خُدّام المساجد‘‘بھی ہے۔اس مجلس کے تحت جن علاقوں میں مساجد کی حاجت ہوتی ہے وہاں مساجد قائم کی جاتی ہیں،ان کی آبادکاری یعنی وہاں ائمّہ ومؤذِّنین وخُطَباء کی تقرری اور ان کے مشاہروں کی ترکیب بھی اسی مجلس کے تحت ہوتی ہے۔یہ مجلس دراصل امیرِ اَہلسُنّت دَامَتْ بَرَکَاتُہُمُ الْعَالِیَہ کی مساجد سے اُلفت ومَحَبَّت کا نتیجہ ہے، آپ کا یہ درد ہے کہ مساجد کو آباد کیا جائے،اس کا اندازہ اس بات سے بھی لگایا جاسکتا ہے کہ آپ نے’’دعوتِ اسلامی‘‘کو مسجد بھرو تحریک قرار دیا ہے۔آپ وقتاً فوقتاً ہفتہ وار اجتماعات ومدنی مذاکروں میں مساجد کو آباد کرنے کی ترغیب دلاتے ہی رہتے ہیں۔کاش!ہم بھی امیرِاہلسُنّت دَامَتْ بَـرَکاتُہُمُ الْعَالِیَہ