Book Name:Imam Malik ka ishq e Rasool
حضرت سَيدُنا امام مالڪ رَحْمَةُ اللهِ تَعَالٰی عَلَيْه سترهن (17) سالن جي عمر ۾ علم پڙهائڻ واري مسند تي تشريف فرما ٿيا۔ پاڻ رَحْمَةُ اللهِ تَعَالٰی عَلَيْه جا استاد به پاڻ وٽ مسئلن جي حل جي لاءِ تشريف کڻي ايندا هئا۔ پاڻ رَحْمَةُ اللهِ تَعَالٰی عَلَيْه تقريباً ستر (70) سال تائين فتويٰ نويسي فرمائي ۽ ماڻهن کي علمِ دين سيکاريندا رهيا۔ جليلُ القدر تابعينِ ڪرام رَحْمَةُ اللّٰهِ عَلَيۡهمْ اَجْمَعِين پاڻ رَحْمَةُ اللهِ تَعَالٰی عَلَيْه کان فقه ۽ حديث جو علم حاصل ڪندا رهيا۔ (سير اعلام النبلاء، ۷/۲۸۷ ملخصاً)
صَلُّوْا عَلَي الْحَبِيب! صَلَّي اللّٰه تَعَالٰي عَلٰي مُحَمَّد
مٺا مٺا اسلامي ڀائرو! عالِمِ مدينه حضرت سَيدُنا امام مالڪ رَحْمَةُ اللهِ تَعَالٰی عَلَيْه اهي عظيم محدث ۽ فقيهه آهن، جن کي محدثن ۽ فقهاءِ ڪرام سڳورن رَحْمَةُ اللّٰهِ عَلَيۡهمْ اَجْمَعِين ۾ هڪ خصوصي (Special) مقام حاصل آهي،اچو ته! پاڻ رَحْمَةُ اللهِ تَعَالٰی عَلَيْه جي تعريف وتوصيف ۾ 2 روايتون ملاحظه ڪيون، جيئن
(1) ارشاد فرمايائون: عِلم مُنقَطِع (يعني ختم) ٿي ويندو ته عالِمِ مدينه کان وڌيڪ علم وارو باقي نه رهندو۔ (ترمذي،ابواب العلم،باب ماجاء في عالم المدينۃ،۱/۳۱۱، حديث :۲۶۸۹ ملتقطا)
(2) ارشاد فرمايائون: عنقريب ماڻهو (علم جي لاءِ) سفر ڪندا ته عالِمِ مدينه کان وڌيڪ علم وارو ڪو نه ڏسندا۔ (مستدرڪ،ڪتاب العلم ، باب يوشڪ الناس ۔۔۔الخ ،۱ /۲۸۰، حديث: ۳۱۴)
حضرت سيدُنا ابنِ عُيينَه رَحْمَةُ اللهِ تَعَالٰی عَلَيْه فرمائن ٿا: محدث سڳورن وٽ ”عالِمِ مدينه“ مان مراد حضرت سيدُنا امام مالڪ بن اَنَس رَحْمَةُ اللهِ تَعَالٰی عَلَيْه آهن۔ (التمھيد لابن عبد البر،زيدبن رباح،۲/۶۷۴، تحت الحديث:۱۲۲) حضرت سيدُنا عبد الرزّاق رَحْمَةُ اللهِ تَعَالٰی عَلَيْه فرمائن ٿا: