بن مالڪ بن ابوعامر۔ پاڻ رَحْمَةُ اللهِ تَعَالٰی عَلَيْه جا پر ڏاڏا (Great grandfather) ابوعامر ”يمَن“ کان مديني شريف منتقل ٿي اسلام جي نعمت کان سرفراز ٿيا ۽ صحابي هئڻ جو شرف حاصل ڪيائون۔ (ترتيب المدارڪ،۱/۴۷ملخصاً) حديثِ پاڪ جو مشهور ڪتاب ”مُؤطّا امام مالڪ“ حضرت سَيدُنا امام مالڪ رَحْمَةُ اللهِ تَعَالٰی عَلَيْه  جي لکيل آهي۔ (ترتيب المدارڪ، ۱/۱۰۰،۱۰۱مفهوماً) حضرت سَيدُنا امام مالڪ رَحْمَةُ اللهِ تَعَالٰی عَلَيْه  جو وصال مديني پاڪ ۾ 179 هجري ربيع الاول ۾ ٿيو، جنت البقيع ۾ سرڪارِ ابدِ قرار، شفيعِ روزِ شمار صَلَّى اللهُ تَعَالٰى عَلَيْهِ وَاٰلِهٖ وَسَلَّم جي شهزادي حضرت سيدنا ابراهيم رَضِىَ اللهُ تَعَالٰی عَـنْهُ جي قرب ۾ سندس کي دفن ڪيو ويو۔ (تذڪرۃ الحفاظ، ۱/۱۵۷۔) وفيات الاعيان، ۴/۵ملخصاً) ۽ اتي  ئي سندن مزارِ عاليشان به آهي۔

عالمِ مدينه جو مبارڪ حُليو

عالِمِ مدينه حضرت سَيدُنا امام مالڪ رَحْمَةُ اللهِ تَعَالٰی عَلَيْه ڊگھي قد، جسم ڀريل، رنگ جا زردي مائل سفيد هئا۔ مٿي ۽ ڏاڙھي جا وار سفيد، نهايت خوش لباس هئا۔ پاڻ رَحْمَةُ اللهِ تَعَالٰی عَلَيْه عدن شهر جا ٺهيل نهايت نفيس ۽ قيمتي ڪپڙا پائيندا هئا. ان جي علاوه خراسان ۽ مصر جي اعليٰ قسم جا ڪپڙا به پائيندا هئا. پاڻ رَحْمَةُ اللهِ تَعَالٰی عَلَيْه جو لباس اڪثر سفيد هوندو هو ۽ پاڻ رَحْمَةُ اللهِ تَعَالٰی عَلَيْه عطر لڳائيندا هئا۔ (بستان المحدثين ص۱۳ملتقطاً)

عالِمِ مدينه جا لقب

پاڻ رَحْمَةُ اللهِ تَعَالٰی عَلَيْه کي اِمامُ الاَئِمه، عالِم مدينه ۽ امامِ دارِالهجرة جي لقبن سان به ياد ڪيو ويندو آهي۔

عالِمِ مدينه جي استادن جو تعداد

علامه زُرقاني رَحْمَةُ اللهِ تَعَالٰی عَلَيْه فرمائن ٿا:حضرت سَيدُنا امام مالڪ رَحْمَةُ اللهِ تَعَالٰی عَلَيْه 900 کان وڌيڪ عالم سڳورن کان علم حاصل ڪيائون۔ (شر ح الزرقاني علي الموطا، ۱/۳۵)