قضائے حاجت کے لئے حرم سے باہَر جایا کرتے

حضرت سیِّدُنا امام مالکرَحْمَۃُ اللہِ عَلَیْہِنے تعظیمِ خاکِ مدینہ کی خاطِرمدیْنۂ منّورہ میں کبھی بھی قَضائے حاجت نہیں کی،اس کیلئے ہمیشہ حرمِ مدینہ سے باہَر (OutSide)تشریف لے جاتے تھے،البتّہ حالتِ مَرَض میں مجبورتھے۔(بستان المحدثین ،ص۱۹)

مدینہ اس لیے عطارؔ جان و دل سے ہے پیارا                        کہ رہتے ہیں مِرے آقا مرے سرور مدینے میں

 (وسائلِ بخشش مرمم،ص۲۸۳)

صَلُّوْا عَلَی الْحَبِیْب!                                                         صَلَّی اللّٰہُ تَعَالٰی عَلٰی مُحَمَّد

12 مدنی کاموں میں سے ایک مدنی  کام ”مسجددرس“

میٹھے میٹھےا سلامی بھائیو!سنا آپ نے!حضرت سَیِّدُنا امام مالک رَحْمَۃُ اللہِ عَلَیْہ کتنےزبردست عاشقِ رسول تھے،جو نہ صرف آپ صَلَّی اللہُ عَلَیْہِ وَاٰلِہٖ وَسَلَّم کی ذات بلکہ آپ صَلَّی اللہُ عَلَیْہِ وَاٰلِہٖ وَسَلَّم سے نسبت رکھنے کے سبب حدیثِ رسول،خاکِ مدینہ اورشہرِ مصطفٰے سے کس قدر عقیدت و محبت فرماتے تھے۔اے کاش!امام مالک  رَحْمَۃُ اللہِ عَلَیْہکے صدقے ہمیں بھی حدیثِ رسول کے ادب کی مدنی سوچ نصیب ہوجائے اورہم بھی سچے پکے عاشقِ رسول بن کرشہرِ مُصْطَفٰے کے حسین تصورات میں گم رہنے والے بن جائیں۔اَلْحَمْدُ لِلّٰہعاشقانِ رسول کی مدنی تحریک دعوتِ اِسلامی کے  مَدَنی ماحول سے وابستہ رہنا عشقِ رسول کے حصول کا بہترین ذریعہ ہے،لہٰذاہمیں بھی اس مدنی ماحول سے  وابستہ رہنےاور 12مدنی  کاموں میں کچھ نہ کچھ وقت ضروردینا چاہئے۔امیرِاہلسنت،بانیِ دعوتِ اسلامیدَامَتْ بَـرَکاتُہُمُ الْعَالِیَہ نے روزانہ کم ازکم2گھنٹے مدنی کاموں کے لیے دینے کی ترغیب اِرشادفرمائی ہے۔ یقیناًجوجتنازِیادہ وقت دے گا، اِنْ شَاۤءَ اللہاُس کے لیے ثواب کمانے کے مواقع بھی اُسی قدر زِیادہ ہوں گے۔