بنایا جائےاور جن چیزوں سے نفرت و بیزاری کا اظہار فرمایا ہے ان سے نفرت و بیزاری ظاہر کی جائے۔ یادرہے!مُسلمانوں پراللہ پاک اور اس کے رسول صَلَّی اللّٰہُ عَلَیْہِ واٰلِہٖ وَسَلَّمَ کی اِطاعت واجب ہے،چُنانچہ پارہ9سُوْرَۃُ الاَنْفالکی پہلی آیت میں فرمان ِ باری ہے :

وَ اَطِیْعُوا اللّٰهَ وَ رَسُوْلَهٗۤ اِنْ كُنْتُمْ مُّؤْمِنِیْنَ(۱)                 تَرْجَمَۂ کنزُ الایمان:اوراللہ و رسول کا حکم مانو اگر  ایمان رکھتے ہو۔

کروں ہر آن میں تیری اِطاعت یارسولَ اللہ               پئے مُرشِد بنا دے نیک سیرت یارسولَ اللہ

(وسائل ِبخشش مرمم،ص۳۳۳)

(2)تعظیم و تکریم

عشق کا ایک  تقاضا یہ بھی ہے کہ بی بی آمنہ کے لعل،رسولِ بے مثال صَلَّی اللہُ عَلَیْہِ وَاٰلِہٖ وَسَلَّم کی حد درجہ تعظیم  و تکریم کی جائے۔اللہ پاک نے اپنے پاکیزہ کلام میں آپ  صَلَّی اللہُ عَلَیْہِ وَاٰلِہٖ وَسَلَّم کی تعظیم و توقیر کرنے کا حکم اِرْشاد فرمایا ہے۔ چنانچہ پارہ26،سورۃ الفتح کی آیت نمبر9میں ارشادِ باری ہے:

وَ تُعَزِّرُوْهُ وَ تُوَقِّرُوْهُؕ (پ۲۶، الفتح:۹)                         تَرْجَمَۂ کنز الایمان:اور رسول کی تعظیم و توقیر کرو۔

اُٹھو تعظیم کی خاطر کہ گھر میں آمِنہ کے اب                 وِلادت کا وہ لمحہ کیف آور آنے والا ہے

(وسائلِ بخشش مرمم،ص۴۴۸)

(3)کثرتِ ذکر

بندہ جس سے عشق ومحبت کا دَعْویٰ  کرتاہے تو کثرت کے ساتھ اس کا ذکربھی  کرتاہے، کیونکہ عاشقِ صادق کو اپنے مَحْبُوب   کے ذِکْر سے  لذّت ملتی ہے۔ چونکہ ہمارے عشق ومَحَبَّت کا مرکز سَروَرِ کائنات ،فخرِ